वृत्तसंस्था, नवी दिल्ली
घराच्या बाल्कनीमधून पक्ष्यांना दाणे घातल्याने पक्ष्यांची विष्ठा आणि कचरा यांचा इतरांना उपद्रव होतो, त्यामुळे निवासी सोसायटीमध्ये बाल्कनीमधून अशा प्रकारे पक्ष्यांना दाणे घालता येणार नाहीत, असे सर्वोच्च न्यायालयाने मुंबईतील वरळी येथील एका प्रकरणात स्पष्ट केले आहे. वरळीतील एका इमारतीमधील महिलेला घराच्या बाल्कनीतून पक्ष्यांना दाणे घालण्यापासून रोखणाऱ्या कनिष्ठ न्यायालयाच्या हंगामी आदेशामध्ये हस्तक्षेप करण्यास सर्वोच्च न्यायालयाने नकार दिला. 'निवासी सोसायटीमध्ये राहत असलेल्या रहिवाशांनी नियमानुसार काही शिस्त पाळणे गरजेचे असते,' असे न्या. यू. यू. ललित आणि न्या. इंदू मल्होत्रा यांच्या खंडपीठाने स्पष्ट केले.
हे प्रकरण उपद्रवाशी संबंधित नसून या दाव्यातील दोन्ही पक्षांचे संबंध बिघडल्याने करण्यात आला आहे, असा युक्तिवाद याचिकाकर्त्या जिगीषा ठाकोर यांच्या वतीने त्यांच्या वकिलांनी केला होता.
त्यावर निकाल देताना सर्वोच्च न्यायालयाने नोंदवले की, या महिलेला आपल्या घराच्या बाल्कनीतून पक्ष्यांना दाणे घालण्यापासून रोखणारा आदेश मुंबई जिल्हा दिवाणी न्यायालयाने आदेश २७ सप्टेंबर २०१३ रोजी दिला होता. त्याला या महिलेने मुंबई उच्च न्यायालयात आव्हान दिले. मात्र उच्च न्यायालयाने या आदेशात हस्तक्षेप करण्यास नकार देत अर्ज फेटाळून लावला. अशा परिस्थितीत या प्रकरणात हस्तक्षेप करण्याचे आम्हाला काहीही कारण दिसत नाही, असे न्यायालयाने स्पष्ट केले. हा दावा लवकरात लवकर निकाली काढण्याचे निर्देशही सर्वोच्च न्यायालयाने कनिष्ठ न्यायालयाला दिले.
काय आहे प्रकरण?
वरळी येथील एका २० मजली सहकारी सोसायटीमध्ये दहाव्या मजल्यावर राहणारे दिलीप सुमनलाल शहा आणि मीना शहा यांनी १४व्या मजल्यावर राहणाऱ्या जिगीषा ठाकोर यांच्याविरोधात सन २०११मध्ये दिवाणी न्यायालयात धाव घेतली होती. ठाकोर या आपल्या बाल्कनीतून पक्ष्यांना धान्य आणि पाणी घालून इतर रहिवाशांना उपद्रव निर्माण करत असल्याने त्यांना त्यापासून रोखावे, अशी मागणी त्यांनी याचिकाकर्त्यांनी केली होती. ठाकोर यांनी बाल्कनीबाहेर पक्ष्यांसाठी प्लॅटफॉर्म उभारला असून अनेक पक्षी तिथे येत असतात, असे त्यांनी म्हटले होते. संबंधित सोसायटीनेही ठाकोर यांना सार्वजनिक ठिकाणी जाऊन पक्ष्यांना धान्य घालण्याची विनंती केली होती. तसेच कोणत्याही रहिवाशाने आपली बाल्कनी किंवा खिडकीतून पक्ष्यांना धान्य घालू नये, असा ठरावही पास केला होता.
घराच्या बाल्कनीमधून पक्ष्यांना दाणे घातल्याने पक्ष्यांची विष्ठा आणि कचरा यांचा इतरांना उपद्रव होतो, त्यामुळे निवासी सोसायटीमध्ये बाल्कनीमधून अशा प्रकारे पक्ष्यांना दाणे घालता येणार नाहीत, असे सर्वोच्च न्यायालयाने मुंबईतील वरळी येथील एका प्रकरणात स्पष्ट केले आहे. वरळीतील एका इमारतीमधील महिलेला घराच्या बाल्कनीतून पक्ष्यांना दाणे घालण्यापासून रोखणाऱ्या कनिष्ठ न्यायालयाच्या हंगामी आदेशामध्ये हस्तक्षेप करण्यास सर्वोच्च न्यायालयाने नकार दिला. 'निवासी सोसायटीमध्ये राहत असलेल्या रहिवाशांनी नियमानुसार काही शिस्त पाळणे गरजेचे असते,' असे न्या. यू. यू. ललित आणि न्या. इंदू मल्होत्रा यांच्या खंडपीठाने स्पष्ट केले.
हे प्रकरण उपद्रवाशी संबंधित नसून या दाव्यातील दोन्ही पक्षांचे संबंध बिघडल्याने करण्यात आला आहे, असा युक्तिवाद याचिकाकर्त्या जिगीषा ठाकोर यांच्या वतीने त्यांच्या वकिलांनी केला होता.
त्यावर निकाल देताना सर्वोच्च न्यायालयाने नोंदवले की, या महिलेला आपल्या घराच्या बाल्कनीतून पक्ष्यांना दाणे घालण्यापासून रोखणारा आदेश मुंबई जिल्हा दिवाणी न्यायालयाने आदेश २७ सप्टेंबर २०१३ रोजी दिला होता. त्याला या महिलेने मुंबई उच्च न्यायालयात आव्हान दिले. मात्र उच्च न्यायालयाने या आदेशात हस्तक्षेप करण्यास नकार देत अर्ज फेटाळून लावला. अशा परिस्थितीत या प्रकरणात हस्तक्षेप करण्याचे आम्हाला काहीही कारण दिसत नाही, असे न्यायालयाने स्पष्ट केले. हा दावा लवकरात लवकर निकाली काढण्याचे निर्देशही सर्वोच्च न्यायालयाने कनिष्ठ न्यायालयाला दिले.
काय आहे प्रकरण?
वरळी येथील एका २० मजली सहकारी सोसायटीमध्ये दहाव्या मजल्यावर राहणारे दिलीप सुमनलाल शहा आणि मीना शहा यांनी १४व्या मजल्यावर राहणाऱ्या जिगीषा ठाकोर यांच्याविरोधात सन २०११मध्ये दिवाणी न्यायालयात धाव घेतली होती. ठाकोर या आपल्या बाल्कनीतून पक्ष्यांना धान्य आणि पाणी घालून इतर रहिवाशांना उपद्रव निर्माण करत असल्याने त्यांना त्यापासून रोखावे, अशी मागणी त्यांनी याचिकाकर्त्यांनी केली होती. ठाकोर यांनी बाल्कनीबाहेर पक्ष्यांसाठी प्लॅटफॉर्म उभारला असून अनेक पक्षी तिथे येत असतात, असे त्यांनी म्हटले होते. संबंधित सोसायटीनेही ठाकोर यांना सार्वजनिक ठिकाणी जाऊन पक्ष्यांना धान्य घालण्याची विनंती केली होती. तसेच कोणत्याही रहिवाशाने आपली बाल्कनी किंवा खिडकीतून पक्ष्यांना धान्य घालू नये, असा ठरावही पास केला होता.