‘देशभक्तीचे मोजमाप नको!’

भोपाळ : दुसऱ्याच्या देशभक्तीचे मोजमाप करण्याचा अधिकार कोणालाच नाही. अगदी मलाही नाही, असे परखड मत सरसंघचालक मोहन भागवत यांनी व्यक्त केले.

देशाची सूत्रे तुमच्या हाती आहेत, असे जरी तुम्हाला वाटत असले तरी तुम्ही कुणाची देशभक्ती मोजू शकत नाहीत किंवा ठराविक गुण असले तरच ती देशभक्ती, अन्यथा नाही असे ठरवण्याचा अधिकारही कुणाला नाही, असे ते पुढे म्हणाले. तीन दिवसांपूर्वीच एका हिंदू संमेलनात भागवत म्हणाले होते की, जे भारतात राहतात व इथल्या संस्कृतीबद्दल ज्यांना आदर आहे ते सर्व हिंदू आहेत. मुस्लिमांची प्रार्थनेची पद्धत वेगळी असली तरी त्यांचे राष्ट्रीयत्व हिंदूच आहे.

दुसऱ्याची देशभक्ती मोजण्याचा अधिकार कोणालाही, अगदी मलाही नाही.
- मोहन भागवत, सरसंघचालक