‘बुऱ्हानचे अस्तित्व ठाऊक नव्हते’

श्रीनगर : हिज्बुल मुजाहिद्दीनचा दहशतवादी बुऱ्हान वानी हा चकमकीत मारला जाण्यापूर्वी त्या घरातील त्याचे अस्तित्व आपणास ठाऊक नव्हते, असा दावा जम्मू आणि काश्मीरच्या मुख्यमंत्री मेहबुबा मुफ्ती यांनी गुरुवारी केला.

अनंतनाग जिल्ह्यातील कोकेरनाग येथील एका घरात तीन दहशतवादी लपून बसल्याची माहिती लष्कराला मिळाली. मात्र त्यात बुऱ्हानचा समावेश होता, हे लष्कराला वा पोलिसांना ठाऊक नव्हते. हीच माहिती त्यांनी मलाही दिली. बुऱ्हानवर कारवाई होणार आहे, हे आधी ठाऊक असते तर राज्यभर उपाययोजना करता आल्या असत्या, असे त्या म्हणाल्या.