ओडिशा:
मगरीच्या तावडीत सापडलेल्या काकाचा जीव वाचवणाऱ्या ओडिशातील कंदिरा गावातील १५ वर्षीय धाडसी मुलाला राष्ट्रीय शौर्य पुरस्कार जाहीर झाला आहे. सीतू मलिक असं या मुलाचं नाव असून, २३ जानेवारी २०१९ रोजी पंतप्रधान नरेंद्र मोदी यांच्या हस्ते त्याला पुरस्कार देण्यात येणार आहे.
सीतू मलिक हा कंदिरा गावातील सरकारी माध्यमिक शाळेत दहावीत शिकत आहे. यावर्षी २० फेब्रुवारीला सीतूचा काका विनोद मलिक तलावातील मगरीच्या तावडीत सापडला होता. त्याचवेळी सीतूनं क्षणाचाही विचार न करता, काठीनं मगरीच्या डोक्यावर प्रहार केले आणि काकाची सुटका केली. या धाडसाबद्दल सीतूला राष्ट्रीय शौर्य पुरस्कार जाहीर झाला आहे. 'जिल्ह्यातील मुलाची राष्ट्रीय शौर्य पुरस्कारासाठी निवड होणे ही आमच्यासाठी अभिमानाची बाब आहे. पुढच्या महिन्यात पंतप्रधानांच्या हस्ते सीतूला पुरस्कार प्रदान करण्यात येणार आहे. याबाबत जिल्हा प्रशासनाला भारतीय बालकल्याण परिषदेकडून पत्र मिळाले आहे,' अशी माहिती केंद्रपाडाचे जिल्हाधिकारी दशरथी सत्पथी यांनी दिली. सीतूला पुरस्कार मिळाल्यानं शाळेतील शिक्षकांनीही त्याचं कौतुक केलं. 'आमच्या शाळेतील विद्यार्थ्याला राष्ट्रीय शौर्य पुरस्कार मिळाला आहे. पंतप्रधानांच्या हस्ते त्याचा गौरव होणार आहे. ही बाब आमच्यासाठी अभिमानास्पद आहे,' असं मुख्याध्यापक महेश्वर राऊत म्हणाले.
मगरीच्या तावडीत सापडलेल्या काकाचा जीव वाचवणाऱ्या ओडिशातील कंदिरा गावातील १५ वर्षीय धाडसी मुलाला राष्ट्रीय शौर्य पुरस्कार जाहीर झाला आहे. सीतू मलिक असं या मुलाचं नाव असून, २३ जानेवारी २०१९ रोजी पंतप्रधान नरेंद्र मोदी यांच्या हस्ते त्याला पुरस्कार देण्यात येणार आहे.
सीतू मलिक हा कंदिरा गावातील सरकारी माध्यमिक शाळेत दहावीत शिकत आहे. यावर्षी २० फेब्रुवारीला सीतूचा काका विनोद मलिक तलावातील मगरीच्या तावडीत सापडला होता. त्याचवेळी सीतूनं क्षणाचाही विचार न करता, काठीनं मगरीच्या डोक्यावर प्रहार केले आणि काकाची सुटका केली. या धाडसाबद्दल सीतूला राष्ट्रीय शौर्य पुरस्कार जाहीर झाला आहे. 'जिल्ह्यातील मुलाची राष्ट्रीय शौर्य पुरस्कारासाठी निवड होणे ही आमच्यासाठी अभिमानाची बाब आहे. पुढच्या महिन्यात पंतप्रधानांच्या हस्ते सीतूला पुरस्कार प्रदान करण्यात येणार आहे. याबाबत जिल्हा प्रशासनाला भारतीय बालकल्याण परिषदेकडून पत्र मिळाले आहे,' अशी माहिती केंद्रपाडाचे जिल्हाधिकारी दशरथी सत्पथी यांनी दिली. सीतूला पुरस्कार मिळाल्यानं शाळेतील शिक्षकांनीही त्याचं कौतुक केलं. 'आमच्या शाळेतील विद्यार्थ्याला राष्ट्रीय शौर्य पुरस्कार मिळाला आहे. पंतप्रधानांच्या हस्ते त्याचा गौरव होणार आहे. ही बाब आमच्यासाठी अभिमानास्पद आहे,' असं मुख्याध्यापक महेश्वर राऊत म्हणाले.