night curfew : आणखी दोन राज्यांनी उचलले मोठे पाऊल, नाइट कर्फ्यूची घोषणा

नवी दिल्ली : राजधानी दिल्लीतही नाइट कर्फ्यूची घोषणा केजरीवाल सरकारने केली आहे. दिल्लीत रोज करोनाचे नवीन रुग्ण मोठ्या संख्येत आढळून येत आहेत. दिल्लीत रविवारी करोना संसर्गाची २९० नवीन आढळून आले आहेत. तर एका रुग्णाचा मृत्यू झाला आहे. तर संसर्गाचे प्रमाण ०.५५ टक्के होते. जूननंतर रुग्णांच्या संख्येत सातत्याने घट होत होती. मात्र गेल्या पंधरा दिवसांपासून दिवसेंदिवस रुग्णांमध्ये वाढ होत आहे. दरम्यान, दिल्लीत ओमिक्रॉनचे रुग्णही झपाट्याने वाढत आहेत.

गेल्या काही दिवसांपासून करोना रुग्णांची संख्या दिल्लीत वाढत आहे. दिल्लीत शनिवारी करोनाचे २४९ रुग्ण आढळले. ही संख्या १९५ दिवसांतील सर्वाधिक आहे. पॉझिटिव्हिटी दर देखील ०.४३ टक्के होता. यापूर्वी १३ जूनला २५५ रुग्ण दिल्लीत आढळून आले होते. गुरुग्राममध्ये ५९ रुग्ण आढळलेत. जूननंतर प्रथमच नवीन रुग्णांची संख्या ५० च्या वर गेली आहे. नोएडामध्ये १३, गाझियाबादमध्ये ९ आणि फरिदाबादमध्ये ७ रुग्ण आढळून आली. मुंबईतही आज करोनाचे ९२२ रुग्ण आढळले आहेत. देशाच्या आर्थिक राजधानीत २४ जूननंतर एकाच दिवसात प्रथमक एवढे रुग्ण समोर आले आहेत. दिल्लीत २७ डिसेंबर म्हणजे उद्या रात्रीपासून नाइट कर्फ्यू लागू करण्याचा निर्णय घेण्यात आला आहे.
रेड अलर्ट दरम्यान पूर्ण कर्फ्यू

करोनाच्या तिसऱ्या लाटेच्या पार्श्वभूमीवर दिल्ली आपत्ती व्यवस्थापन प्राधिकरणाने जुलैमध्ये GRAP ला मान्यता दिली होती. कोविडच्या स्थितीवर आधारित निर्बंध लागू करण्याची आणि काढून टाकण्याची स्पष्ट यंत्रणा असणे हा याचा उद्देश आहे. यलो अलर्टच्या काळात रात्री १० ते पहाटे ५ वाजेपर्यंत रात्र कर्फ्यू लागू करण्याची तरतूद आहे. तर रेड अलर्टच्या काळात संपूर्ण कर्फ्यू लागू करण्यात येतो.

vaccinations : मोठी बातमी : मुलांच्या लसीकरणाच्या निर्णयावर एम्सच्या तज्ज्ञाचा तीव्र आक्षेप, म्हणाले...

कर्नाटकमध्येही नाइट कर्फ्यू

कर्नाटक सरकारनेही राज्यात नाइट कर्फ्यूची घोषणा केली आहे. राज्यात २८ डिसेंबर म्हणजे मंगळवारपासून रात्री १० ते पहाटे ५ वाजेपर्यंत नाइट कर्फ्यू असणार आहे. हा नाइट कर्फ्यू १० दिवसांचा असेल, अशी माहिती आरोग्यमंत्री के. सुधाकर यांनी दिली.

covid vaccine : करोना लसीच्या दुसऱ्या डोसनंतर दिला जाणार 'प्रिकॉशन डोस', 'इतके' असेल अंतर!