omicron : मोठी बातमी... विदेशातून आलेले ३० प्रवासी 'बेपत्ता'! 'या' राज्याची धडधड वाढली, प्रवाशांचा शोध सुरू

विशाखापट्टणमः 'ओमिक्रॉन'चे दोन रुग्ण कर्नाटकात आढळल्यानंतर महाराष्ट्रासह दक्षिणेतील राज्ये सतर्क झाले आहेत. अनेक राज्यांनी नियम कडक केले आहेत. पण अशातच चिंता वाढवणारी एक बातमी समोर आली आहे. विदेशातून आलेले ३० प्रवासी बेपत्ता आहेत. आणि त्यांचा आता शोध घेतला जात आहे.

काही दिवसांपूर्वी विदेशातून आलेले ३० आंध्र प्रदेशात बेपत्ता आहेत. आता प्रशासनाकडून त्यांचा शोध सुरू आहे. आंध्र प्रदेशात गेल्या काही दिवसांत विदेशातून एकूण ६० प्रवासी आले. त्यापैकी ३० प्रवासी सापडले आहेत. पण ३० प्रवासी मात्र बेपत्ता आहे. 'ओमिक्रॉन'च्या भारतातील एन्ट्रीच्या पार्श्वभूमीवर आता त्यांची RT-PCR टेस्ट करण्यासाठी प्रशासनाकडून त्यांचा शोध घेतला जात आहे.

आंध्र प्रदेशात गेल्या १० दिवसांत विविध आंतरराष्ट्रीय विमानतळावर एकूण ६० प्रवासी उतरले. यातील ९ प्रवासी हे आफ्रिकेतून आले होते. त्यातील ३० प्रवासी हे विशाखापट्टणममधील आहेत. पण बाकीचे ३० प्रवासी मात्र राज्यातील आपल्या ठिकाणी निघून गेले आहेत. यामुळे आंध्र प्रदेश अलर्टवर आहे.

Omicron Variant: ओमिक्रॉनमुळे भारतात तिसरी लाट?; 'ही' दिलासा देणारी माहिती आली समोर

दक्षिण आफ्रिकेतून ३ आणि बोस्टवानामधून ६ प्रवासी आले आहेत. यापैकी ६ प्रवाशांचा प्रशासनाने शोध घेतला आहे. तर उवर्रीत तिघांमध्ये एक जण दक्षिण आफ्रिकेतील आणि दोघे बोस्टवानामधील आहेत. कृष्णा जिल्ह्यातील आपल्या गावी निघाले आहेत. आता त्यांचा शोध घेतला जात आहे, अशी माहिती अधिकाऱ्यांनी दिली.

Omicron Variant In India: ओमिक्रॉनच्या एंट्रीने भारतात खळबळ; कडक निर्बंधांची शक्यता, 'या' राज्यांत...