वृत्तसंस्था, नवी दिल्ली
पाकिस्तानचे पंतप्रधान नवाझ शरीफ यांचे पद थोडक्यात बचावले आहे. जागतिक स्तरावर गाजलेल्या ‘पनामा पेपर्स’ आर्थिक गैरव्यवहारामध्ये शरीफ यांच्याविरोधात सबळ पुरवे नसल्याने त्यांना पदावरून हटवता येणार नाही, असे येथील सर्वोच्च न्यायालयाने गुरुवारी नमूद केले. मात्र त्यांच्या कुटुंबीयांचा या प्रकरणात सहभाग असल्याबाबत चौकशीसाठी संयुक्त तपास पथक (जेआयटी) नेमण्याचे निर्देश न्यायालयाने दिले.
विविध आर्थिक ठेवींसंदर्भातील ‘पनामा पेपर्स’ ही संवेदनशील कागदपत्रे उघडकीस आल्यानंतर शरीफ यांना राज्यघटनेन्वये पदच्युत करण्याची मागणी विरोधकांनी लावून धरली होती. पाकिस्तानी क्रिकेटपटू व तेहरिक-इ-इन्साफ पक्षाचे प्रमुख इम्रान खान व इतरांनी न्यायालयात धाव घेतल्यानंतर याप्रकरणी खटला दाखल करण्यात आला होता. शरीफ कुटुंबांविरोधातील या प्रकरणाची चौकशी दोन महिन्यांत पूर्ण व्हावी, तसेच ‘जेआयटी’ने त्यांच्या तपासाचा अहवाल दर दोन आठवड्यांनी सादर करावा असे सर्वोच्च न्यायालयाने म्हटले आहे.
पाकिस्तानचे पंतप्रधान नवाझ शरीफ यांचे पद थोडक्यात बचावले आहे. जागतिक स्तरावर गाजलेल्या ‘पनामा पेपर्स’ आर्थिक गैरव्यवहारामध्ये शरीफ यांच्याविरोधात सबळ पुरवे नसल्याने त्यांना पदावरून हटवता येणार नाही, असे येथील सर्वोच्च न्यायालयाने गुरुवारी नमूद केले. मात्र त्यांच्या कुटुंबीयांचा या प्रकरणात सहभाग असल्याबाबत चौकशीसाठी संयुक्त तपास पथक (जेआयटी) नेमण्याचे निर्देश न्यायालयाने दिले.
विविध आर्थिक ठेवींसंदर्भातील ‘पनामा पेपर्स’ ही संवेदनशील कागदपत्रे उघडकीस आल्यानंतर शरीफ यांना राज्यघटनेन्वये पदच्युत करण्याची मागणी विरोधकांनी लावून धरली होती. पाकिस्तानी क्रिकेटपटू व तेहरिक-इ-इन्साफ पक्षाचे प्रमुख इम्रान खान व इतरांनी न्यायालयात धाव घेतल्यानंतर याप्रकरणी खटला दाखल करण्यात आला होता. शरीफ कुटुंबांविरोधातील या प्रकरणाची चौकशी दोन महिन्यांत पूर्ण व्हावी, तसेच ‘जेआयटी’ने त्यांच्या तपासाचा अहवाल दर दोन आठवड्यांनी सादर करावा असे सर्वोच्च न्यायालयाने म्हटले आहे.