म. टा. विशेष प्रतिनिधी, नवी दिल्ली
‘वन रँक वन पेन्शन’चा वाद दोन महिन्यांत सोडविण्याची ग्वाही संरक्षण मंत्री मनोहर पर्रीकर यांनी गुरुवारी दिली. वीस लाखांपैकी एक लाख माजी सैनिकांना निवृत्तीवेतन प्राप्त करण्यात अडचण येत असल्याचे ते म्हणाले.
निवृत्त सुभेदार रामकिशन ग्रेवाल आत्महत्या प्रकरणावरून गुरुवारी सायंकाळी राजधानी दिल्लीत पुन्हा केंद्रातील मोदी सरकार आणि काँग्रेसमध्ये धुमश्चक्री उडाली. सुभेदार ग्रेवालच्या आत्महत्येवरून सरकारच्या निषेधार्थ सायंकाळी काढलेल्या मोर्चाचे नेतृत्व करणारे काँग्रेस उपाध्यक्ष राहुल गांधी यांना दिल्ली पोलिसांनी दोन दिवसात तिसऱ्यांदा ताब्यात घेतल्याने काँग्रेसजन रस्त्यावर उतरले.
व्ही. के. सिंह यांचे तर्कट
परराष्ट्र राज्यमंत्री व्ही. के. सिंह यांनी ग्रेवाल यांचा संबंध थेट काँग्रेसशी जोडला. ‘ग्रेवाल हे काँग्रेस कार्यकर्ते होते. त्यांनी काँग्रेसच्या तिकिटावर सरपंचपदाची निवडणूक लढविली होती व विजयीही झाले होते. त्यांचा वाद ओआरओपीबाबत नव्हता, तर बँकेशी होता’ असे अजब तर्कट त्यांनी मांडले.
‘वन रँक वन पेन्शन’चा वाद दोन महिन्यांत सोडविण्याची ग्वाही संरक्षण मंत्री मनोहर पर्रीकर यांनी गुरुवारी दिली. वीस लाखांपैकी एक लाख माजी सैनिकांना निवृत्तीवेतन प्राप्त करण्यात अडचण येत असल्याचे ते म्हणाले.
निवृत्त सुभेदार रामकिशन ग्रेवाल आत्महत्या प्रकरणावरून गुरुवारी सायंकाळी राजधानी दिल्लीत पुन्हा केंद्रातील मोदी सरकार आणि काँग्रेसमध्ये धुमश्चक्री उडाली. सुभेदार ग्रेवालच्या आत्महत्येवरून सरकारच्या निषेधार्थ सायंकाळी काढलेल्या मोर्चाचे नेतृत्व करणारे काँग्रेस उपाध्यक्ष राहुल गांधी यांना दिल्ली पोलिसांनी दोन दिवसात तिसऱ्यांदा ताब्यात घेतल्याने काँग्रेसजन रस्त्यावर उतरले.
व्ही. के. सिंह यांचे तर्कट
परराष्ट्र राज्यमंत्री व्ही. के. सिंह यांनी ग्रेवाल यांचा संबंध थेट काँग्रेसशी जोडला. ‘ग्रेवाल हे काँग्रेस कार्यकर्ते होते. त्यांनी काँग्रेसच्या तिकिटावर सरपंचपदाची निवडणूक लढविली होती व विजयीही झाले होते. त्यांचा वाद ओआरओपीबाबत नव्हता, तर बँकेशी होता’ असे अजब तर्कट त्यांनी मांडले.