मॉर्निंग वॉकला गेलेल्या 'लक्ष्मी'नं प्राण सोडला; अंत्यदर्शनाला हजारोंची गर्दी; सगळेच भावुक

पुद्दुचेरी: पुद्दुचेरी मनकुला विनायगर मंदिराची प्रसिद्ध हत्तीण लक्ष्मीचा मृत्यू झाला आहे. बुधवारी सकाळी फिरण्यासाठी लक्ष्मी अचानक बेशुद्ध पडली. त्यानंतर काही वेळात तिचा मृत्यू झाला. तिच्या निधनामुळे परिसरावर शोककळा पसरली आहे. १९९५ मध्ये लक्ष्मीला मनकुला विनायगर येथे आणण्यात आलं. तेव्हा ती ५ वर्षांची होती. भाविकांनी कायम तिच्यावर भरभरुन प्रेम केलं.

लक्ष्मीचा स्वभाव अतिशय शांत होता. तिनं कधीच कोणाला इजा केली नाही. सकाळच्या सुमारास लक्ष्मी फिरण्यासाठी निघाली. रस्त्यावरून चालत असताना अचानक ती बेशुद्ध पडली. उपचारांसाठी तातडीनं पशुवैद्यांना बोलावण्यात आलं. मात्र त्यांना लक्ष्मीचा जीव वाचवण्यात अपयश आलं. लक्ष्मीच्या मृत्यूची वार्ता समजताच आसपासच्या परिसरावर शोककळा पसरली. भाविक साश्रू नयनांनी तिला अंतिम निरोप देण्यास पोहोचले.
२५ वर्षीय क्रिकेटपटू अपघातानंतर ब्रेन डेड, आठ जणांना नवं आयुष्य देऊन डोळे मिटले
लक्ष्मीची लोकप्रियता खूप होती. तिच्या निधनानंतर शेवटच्या निरोपासाठी हजारोंचा जनसमुदाय लोटला. तिच्या पार्थिवाजवळ प्रचंड गर्दी जमली. लक्ष्मीचं पार्थिव क्रेननं उचलण्याचा प्रयत्न करण्यात आला. पार्थिव ट्रकवर ठेवण्यात आलं. लक्ष्मीच्या अंत्यदर्शनाला आलेल्या भाविकांनी पार्थिवावर फुलं ठेवली.
मित्रानं घेतली स्पोर्ट्स बाईक, दोघे ट्रायलसाठी सुसाट निघाले; बराच वेळ परतलेच नाहीत अन् मग..
मनकुला विनायगर मंदिराबद्दल अनेक आख्यायिका सांगितल्या जातात. येथे असणारी गणेशाची मूर्ती अनेकदा समुद्रात फेकण्यात आली. मात्र ती पुन्हा त्याच ठिकाणी प्रकट व्हायची. या मंदिराच्या महतीचं वर्णन पुराणांमध्येही आढळतं. लक्ष्मी आल्यानंतर मंदिर परिसरात रुळली. भाविकांमध्ये मिसळली. त्यामुळे तिच्या निधनामुळे शोककळा पसरली आहे.