मटा ऑनलाइन वृत्त । गुरुग्राम
दिल्लीजवळील गुरुग्राममधील रायन इंटरनॅशनल स्कूलमध्ये दुसरीत शिकणाऱ्या विद्यार्थ्याची गळा चिरून हत्या करण्यात आली. स्कूल बस कंडक्टरवर हत्येचा आरोप असून त्याला अटक करण्यात आली. हत्येच्या निषेधार्थ आणि शाळा व्यवस्थापनावर कारवाईच्या मागणीसाठी शेकडो संतप्त पालकांनी आज शाळे़जवळील राष्ट्रीय महामार्गावर रास्ता रोको आंदोलन केले.
रायन इंटरनॅशनल स्कूलमध्ये दुसरीत शिकणाऱ्या प्रद्युम्न ठाकूरचा मृतदेह शुक्रवारी शाळेच्या स्वच्छतागृहात सापडला होता. पोलिसांनी चौकशी केल्यानंतर स्कूल बस कंडक्टर अशोक कुमारला रात्री अटक केली. शाळा व्यवस्थापनावर कारवाई करावी या मागणीसाठी मृत प्रद्युम्न ठाकूरच्या वडिलांनी आज पोलीस आयुक्तांची भेट घेतली. व्यवस्थापनावर कारवाई करण्याच्या मागणीसाठी पालक आग्रही असून शाळा मुख्यध्यापकाला निलंबित करण्यात आले आहे. शाळेतील सीसीटीव्ही कॅमेरे बंद असल्याची माहिती समोर आली आहे.
मृत प्रद्युम्न ठाकूरची आई ज्योतीने शाळा व्यवस्थापनाने चुकीची माहिती दिली असल्याचा आरोप केला. चाकू घेऊन आरोपी शाळेत शिरला कसा असा प्रश्नही त्यांनी उपस्थित केला. कंडक्टरला अटक केली असली तरी खऱ्या गुन्हेगाराला वाचवण्याचा प्रयत्न होत असल्याचा आरोप त्यांनी केला. पोलिसांच्या तपासावर विश्वास नसून हत्येचा तपास सीबीआयने करण्याची मागणी त्यांनी केली. पालकांना शाळेत प्रवेश दिला जात नाही मग आरोपी कंडक्टरला प्रवेश कोणी दिला असा प्रश्नही आंदोलन करणाऱ्या पालकांनी उपस्थित केला आहे.
#Gurugram: People protest outside #RyanInternationalSchool after body of a 7-year-old student was found in school premises yesterday pic.twitter.com/HH1ObITtUM — ANI (@ANI) September 9, 2017 दरम्यान, अटक करण्यात आलेला आरोपी मागील आठ महिन्यांपासून शाळेत काम करत होता. मुलावर लैंगिक अत्याचार करण्याचा प्रयत्न करण्यात आला. मात्र, विरोध झाल्यामुळे त्याची हत्या झाली असल्याचे पोलिसांनी सांगितले.
दिल्लीजवळील गुरुग्राममधील रायन इंटरनॅशनल स्कूलमध्ये दुसरीत शिकणाऱ्या विद्यार्थ्याची गळा चिरून हत्या करण्यात आली. स्कूल बस कंडक्टरवर हत्येचा आरोप असून त्याला अटक करण्यात आली. हत्येच्या निषेधार्थ आणि शाळा व्यवस्थापनावर कारवाईच्या मागणीसाठी शेकडो संतप्त पालकांनी आज शाळे़जवळील राष्ट्रीय महामार्गावर रास्ता रोको आंदोलन केले.
रायन इंटरनॅशनल स्कूलमध्ये दुसरीत शिकणाऱ्या प्रद्युम्न ठाकूरचा मृतदेह शुक्रवारी शाळेच्या स्वच्छतागृहात सापडला होता. पोलिसांनी चौकशी केल्यानंतर स्कूल बस कंडक्टर अशोक कुमारला रात्री अटक केली. शाळा व्यवस्थापनावर कारवाई करावी या मागणीसाठी मृत प्रद्युम्न ठाकूरच्या वडिलांनी आज पोलीस आयुक्तांची भेट घेतली. व्यवस्थापनावर कारवाई करण्याच्या मागणीसाठी पालक आग्रही असून शाळा मुख्यध्यापकाला निलंबित करण्यात आले आहे. शाळेतील सीसीटीव्ही कॅमेरे बंद असल्याची माहिती समोर आली आहे.
मृत प्रद्युम्न ठाकूरची आई ज्योतीने शाळा व्यवस्थापनाने चुकीची माहिती दिली असल्याचा आरोप केला. चाकू घेऊन आरोपी शाळेत शिरला कसा असा प्रश्नही त्यांनी उपस्थित केला. कंडक्टरला अटक केली असली तरी खऱ्या गुन्हेगाराला वाचवण्याचा प्रयत्न होत असल्याचा आरोप त्यांनी केला. पोलिसांच्या तपासावर विश्वास नसून हत्येचा तपास सीबीआयने करण्याची मागणी त्यांनी केली. पालकांना शाळेत प्रवेश दिला जात नाही मग आरोपी कंडक्टरला प्रवेश कोणी दिला असा प्रश्नही आंदोलन करणाऱ्या पालकांनी उपस्थित केला आहे.
#Gurugram: People protest outside #RyanInternationalSchool after body of a 7-year-old student was found in school premises yesterday pic.twitter.com/HH1ObITtUM — ANI (@ANI) September 9, 2017 दरम्यान, अटक करण्यात आलेला आरोपी मागील आठ महिन्यांपासून शाळेत काम करत होता. मुलावर लैंगिक अत्याचार करण्याचा प्रयत्न करण्यात आला. मात्र, विरोध झाल्यामुळे त्याची हत्या झाली असल्याचे पोलिसांनी सांगितले.