ऑक्सफोर्ड करोना लसीची चाचणी थांबवली, का नाही कळवलं? सीरम इन्स्टिट्यूटला DCGI ची नोटीस

नवी दिल्ली: करोना लसीची चाचणी घेणारी ब्रिटनमधील औषध निर्माण कंपनी अ‍ॅस्ट्रॅजेनेकाने लसीची क्लिनिकल ट्रायल थांबवण्याच आल्याचं मंगळवारी सांगितलं. लसीची चाचणीत एका स्वयंसेवकात अनपेक्षित आजाराची माहिती मिळाल्यामुळे या लसीची क्लिनिकल चाचणी थांबविली आहे. याबाबत, ड्रग कंट्रोलर जनरल ऑफ इंडियाने (DCGI) सिराम इन्स्टिट्यूट ऑफ इंडियाला कारणे दाखवा नोटीस पाठवली आहे. 'जोपर्यंत रुग्णांची सुरक्षा निश्चित होत नाही तोपर्यंत क्लिनिकल चाचणीसाठी आपली परवानगी का निलंबित करू नये?' असं डीसीजीआयने नोटीस पाठवून सीरम इन्स्टिट्युटला विचारलं आहे. अमेरिका, ब्रिटन, ब्राझील आणि दक्षिण आफ्रिका येथे लसीची चाचणी थांबवण्यात आली आहे. पण सीरम इन्स्टिट्यूट ऑफ इंडियाने DCGI ला याची माहिती दिली नाही. ना त्या घटनेसंदर्भात विश्लेषण अहवाल दिला, असे प्रश्न DCGI ने केले आहेत.

ब्रिटनमधील स्वयंसेवकांची तब्येत ढासळली तेव्हा लसची तिसऱ्या टप्प्यातील चाचणी थांबवावी लागली. कारणे दाखवा नोटीसला सीरम इन्स्टिट्युटने त्वरित उत्तर द्यावे अन्यथा तुमच्याकडे कोणतेही स्पष्टीकरण नाही असे गृहित धरले जाईल आणि तुमच्यावर योग्य ती कारवाई केली जाईल असे ड्रग कंट्रोलर जनरल ऑफ इंडियाने ( DCGI ) आपल्या नोटीसमध्ये म्हटले आहे.

चीनला दिसणार राफेलची ताकद, अंबालामधील उद्याच्या मेगा शोमध्ये होणार गर्जना

ऑक्सफोर्ड युनिव्हर्सिटी आणि astrazeneca हे जगातील बर्‍याच देशांमध्ये 'Covishield' नावाच्या करोना लसीची तिसऱ्या टप्प्याची चाचणी घेत आहेत. भारतात, सीरम इन्स्टिट्यूट ऑफ इंडिया त्यांचे भागीदार आहे. सीरमकडून या लसीच्या तिसऱ्या टप्प्याची चाचणी करण्यात येत आहे. ब्रिटनमधील चाचण्या थांबवल्या गेल्या आहेत आणि त्याचा आढावा घेतला जात आहे. पण भारतात या लसीच्या चाचण्या सुरूच राहतील, असं सीरम इन्स्टिट्यूटने स्पष्ट केलं आहे.

स्टार सुशांतसिंहला भाजपने केलं बिहारी अभिनेता, काँग्रेसचा हल्लाबोल

'आम्ही ड्रग कंट्रोलर जनरल ऑफ इंडियाच्या (DCGI) मार्गदर्शक सूचनांचे पालन करत आहोत आणि आम्हाला अद्याप चाचण्या थांबवण्यास सांगण्यात आलेले नाही. ड्रग कंट्रोलर जनरल ऑफ इंडियाला सुरक्षे संबंधी काही समस्या असतील तर आम्ही त्यांच्या सूचनांचे पालन करू आणि ठरवून दिलेल्या प्रोटोकॉलने काम करू, असं या संपूर्ण प्रकरणाबद्दल सीराम इन्स्टिट्यूट ऑफ इंडियाने स्पष्ट केलं आहे.

लसीने साईड इफेक्टस दिसून आले नाहीतः तज्ज्ञ

देशातील नागरिकांच्या नजरा लागलेल्या सीरम इन्स्टिट्यूटच्या मानवी चाचणीच्या दुसऱ्या टप्प्यात पुण्यासह देशातील १०० जणांना लस टोचण्यात आली असून त्याच्या संदर्भातील आलेले सर्व अहवाल केंद्र सरकारच्या ‘डाटा सेफ्टी मॉनटरिंग बोर्ड’ला (डीएसएमबी) सादर करण्यात आला आहे. त्यांच्या मान्यतेनंतरच तिसऱ्या चाचणीला प्रारंभ होण्याची शक्यता असून दुसऱ्या चाचणीदरम्यान १०० जणांना कोणतेही साईड इफेक्टस दिसून आले नसल्याचे तज्ज्ञांनी स्पष्ट केले.