आता बिहारमध्येही 'पद्मावती'वर बंदी

मटा ऑनलाइन वृत्त । पाटणा

'पद्मावती' सिनेमासमोरच्या अडचणींमध्ये दिवसेंदिवस भर पडत चालली आहे. राजस्थान, उत्तर प्रदेश आणि मध्य प्रदेशमध्ये या सिनेमाच्या प्रदर्शनावर यापूर्वीच बंदी घालण्यात आली आहे. आता बिहारमध्येही 'पद्मावती'च्या प्रदर्शनावर बंदी घालण्यात आली आहे.

राज्यात सर्व पक्ष या सिनेमाच्या बाबतीत एका ठोस निष्कर्षापर्यंत पोहोचत नाहीत, तोपर्यंत हा सिनेमा प्रदर्शित केला जाणार नाही, असे मुख्यमंत्री नितीश कुमार यांनी स्पष्ट केले आहे. बिहारचे क्रीडामंत्री कृष्ण कुमार ऋषी यांनी सांगितले की जोपर्यंत 'पद्मावती' सिनेमातली वादग्रस्त दृश्ये कापण्यात येत नाहीत, तोपर्यंत राज्यात सिनेमा प्रदर्शित होऊ दिला जाणार नाही.

दरम्यान, सर्वोच्च न्यायालयाने आजच 'पद्मावती' संदर्भात विविध राज्यांच्या मुख्यमंत्र्यांना फटकारले आहे. 'सेन्सॉर बोर्ड अंतिम निर्णय घेत नाही, तोपर्यंत 'पद्मावती' चित्रपटाबद्दल कुठलंही मत व्यक्त करू नका,' असं न्यायालयाने म्हटलं आहे.