Pakistan: पाकिस्तान काळ्या यादीत

वॉशिंग्टन :धार्मिक स्वातंत्र्याचे उल्लंघन केल्याप्रकरणी अमेरिकेने मंगळवारी पाकिस्तान, चीन आणि सौदी अरेबिया यांचा काळ्या यादीत समावेश केला. परराष्ट्र मंत्री माइक पॉम्पिओ यांनी ही माहिती दिली.

या यादीत या तीन देशांशिवाय म्यानमार, एरिट्रिया, इराण, उत्तर कोरिया, सुदान, ताजिकिस्तान आणि तुर्कमेनिस्तान या देशांचा समावेश आहे. त्याचप्रमाणे रशिया, उझबेकिस्तान आणि कोमोरॉस या देशांमध्ये धार्मिक स्वातंत्र्याच्या घटनांकडे दुर्लक्ष होत असल्याने या देशांना 'वॉच लिस्ट'मध्ये टाकण्यात आल्याचे पॉम्पिओ म्हणाले. धार्मिक स्वातंत्र्याची गळचेपी होत असताना अमेरिका त्याकडे दुर्लक्ष करणार नाही. आंतरराष्ट्रीय धार्मिक स्वातंत्र्याला प्रोत्साहन देणे आणि संरक्षण करणे हेच ट्रम्प प्रशासनाच्या परराष्ट्र धोरणांमध्ये प्राधान्य असल्याचेही पॉम्पिओ यांनी निवेदनात म्हटले आहे.