वृत्तसंस्था, जम्मू
पाकिस्तानी सैन्याने जम्मू-काश्मीरमध्ये ताबा रेषा परिसरात शस्त्रसंधीचे उल्लंघन करून पुन्हा एकदा गोळीबार सुरू केला आहे. या गोळीबारात दोन जण जखमी झाले आहेत. नौशेरा क्षेत्रातील राजौरी आणि पूंच जिल्ह्यातील लष्कराच्या चौक्यांना पाकिस्तानी सैनिकांनी लक्ष्य केले. गुरुवारपासूनच या भागात सीमेपलीकडून गोळीबार आणि उखळी तोफांचा मारा केला जात आहे. पाकिस्तानच्या गोळीबाराला लष्कराचे जवान सडेतोड प्रत्युत्तर देत असल्याची माहिती, लष्कराच्या जनसंपर्क अधिकाऱ्यांनी दिली आहे. दरम्यान, भारतीय लष्कराला गुरुवारी पाकिस्तानच्या सात चौक्या उद्ध्वस्त करण्यात यश आले आहे. लष्कराच्या छावणीत स्फोट श्रीनगर : कुपवाडा जिल्ह्यातील भारतीय लष्कराच्या छावणीत शुक्रवारी स्फोट झाला. या स्फोटात दोन जवान जखमी झाल्याचे वृत्त आहे. हांडवाडा क्षेत्रातील १५ राष्ट्रीय रायफल्स तुकडीच्या छावणीमध्ये हा स्फोट झाला.
पाकिस्तानी सैन्याने जम्मू-काश्मीरमध्ये ताबा रेषा परिसरात शस्त्रसंधीचे उल्लंघन करून पुन्हा एकदा गोळीबार सुरू केला आहे. या गोळीबारात दोन जण जखमी झाले आहेत. नौशेरा क्षेत्रातील राजौरी आणि पूंच जिल्ह्यातील लष्कराच्या चौक्यांना पाकिस्तानी सैनिकांनी लक्ष्य केले. गुरुवारपासूनच या भागात सीमेपलीकडून गोळीबार आणि उखळी तोफांचा मारा केला जात आहे. पाकिस्तानच्या गोळीबाराला लष्कराचे जवान सडेतोड प्रत्युत्तर देत असल्याची माहिती, लष्कराच्या जनसंपर्क अधिकाऱ्यांनी दिली आहे. दरम्यान, भारतीय लष्कराला गुरुवारी पाकिस्तानच्या सात चौक्या उद्ध्वस्त करण्यात यश आले आहे. लष्कराच्या छावणीत स्फोट श्रीनगर : कुपवाडा जिल्ह्यातील भारतीय लष्कराच्या छावणीत शुक्रवारी स्फोट झाला. या स्फोटात दोन जवान जखमी झाल्याचे वृत्त आहे. हांडवाडा क्षेत्रातील १५ राष्ट्रीय रायफल्स तुकडीच्या छावणीमध्ये हा स्फोट झाला.