​'बाबर-३' क्षेपणास्त्राचा पाकचा दावा खोटा?

मटा ऑनलाइन वृत्त । नवी दिल्ली

पाणबुडीवरून डागता येणाऱ्या 'बाबर-३' या अण्वस्त्रवाहू क्रूझ क्षेपणास्त्राची यशस्वी चाचणी केल्याच्या पाकिस्तानच्या दाव्यावर प्रश्नचिन्ह उपस्थित करण्यात आले आहे. पाकिस्तान लष्कराकडून यशस्वी चाचणी केल्याचा जो व्हिडिओ जगासमोर आणला आहे, तो कम्प्युटर निर्मित असल्याचे संरक्षण खात्यातील जाणकारांनी म्हटले आहे.

पाकिस्तानकडून करण्यात आलेला दावा खोटा असून अशा पद्धतीने चाचणी करण्यास पाकिस्तानकडे अद्याप क्षमता आलेली नाही. पठाणकोटमध्ये सॅटेलाइट इमेजरी अॅनालिस्टसह अनेक तज्ज्ञांनी पुरावा सादर करीत पाकिस्तानने केलेल्या यशस्वी चाचणीचा व्हिडिओ बनावट असल्याचे म्हटले आहे. या व्हिडिओत कम्प्युटर ग्राफ्रिक्सचा वापर करण्यात आला आहे. संरक्षण खात्यातील तज्ज्ञ असलेल्या व्यक्तीने ट्विट्स करुन पाकचा दावा खोटा असल्याचे म्हटले आहे.

#Pakistan successfully test fired first Submarine launched Cruise Missile Babur-3. Rg 450 Km. #COAS congrats Nation and the team involved. pic.twitter.com/YRNei5oF65 — Maj Gen Asif Ghafoor (@OfficialDGISPR) January 9, 2017
निवृत्त कर्नल विनायक भट यांनी एका खासगी टीव्ही चॅनेलशी बोलताना म्हटले आहे की, 'पाकिस्तानच्या लष्कराकडून प्रक्षेपण करण्यात आलेली चाचणी ही व्हिडिओ निर्मित आहे. व्हिडिओमध्ये क्षेपणास्त्राचा रंग पांढरा झाल्यानंतर केशरी रंगाचा होतो. तसेच क्षेपणास्त्राचा वेगही खूप आहे. आणि हे शक्य नसल्याचे भट यांनी म्हटले आहे. भारताने 'अग्नी' क्षेपणास्त्राची यशस्वी चाचणी केल्यानंतर लगेच पाकिस्तानकडून हा दावा करण्यात आला आहे.

दरम्यान, पाकिस्तानने पहिल्यांदा पाणबुडीवरून डागता येणाऱ्या 'बाबर-३' या अण्वस्त्रवाहू क्रूझ क्षेपणास्त्राची यशस्वी चाचणी केली आहे, अशी माहिती पाकिस्तानचे इंटर-सर्विसेज पब्लिक रिलेशंज (ISPR) चे संचालक जनरल मेजर आसिफ गफूर यांनी ट्विट करुन याची माहिती दिली होती. परंतु पाकिस्तानचा दावा खोटा असल्याचे आता तज्ज्ञांकडून सांगण्यात येत आहे.
#Pakistan #SLCM #Babur3 Fake video clip uses CGI. Geo-location coming up shortly. https://t.co/26ysrUQDrc — RAJ (@rajfortyseven) January 9, 2017