नवी दिल्ली : बिहारमधील बाहुबली नेते आणि राष्ट्रीय जनता दलाचे माजी खासदार मोहम्मद शहाबुद्दिन यांची ११ वर्षांनंतर कारागृहातून सुटका झाल्याने बिहार सरकार आणि राज्याचे मुख्यमंत्री नितीश कुमार यांच्यावर टीकेची झोड उठत आहे. विविध राजकीय पक्षांनी त्यांच्यावर टीका केली आहे. भाजपचे खासदार, अभिनेते परेश रावल यांनीही नितीश कुमार यांच्यावर शालजोडीत प्रहार केला आहे. ‘ज्या राज्याच्या मुख्यमंत्र्यांसाठी इशरत जहाँ ही मुलीसमान असेल, तेथे मोहम्मद शहाबुद्दिनसारख्यांचा मुक्त वावर ही तर सर्वसाधारणच बाब आहे,’ असे परेश रावल यांनी म्हटले आहे. लष्कर-ए-तोयबा या अतिरेकी संघटनेसाठी कथितपणे काम करण्याचा आरोप असलेली इशरत जहाँ हिचा गुजरातमध्ये झालेल्या एका चकमकीत मृत्यू झाला होता. मात्र, ही चकमक बनावट असल्याचाही आरोप झाल्याने गेल्या अनेक वर्षांपासून या प्रकरणाची सुनावणी सुरू आहे.
नितीशकुमारांवर परेश रावल यांची टीका
बिहारमधील बाहुबली नेते आणि राष्ट्रीय जनता दलाचे माजी खासदार मोहम्मद शहाबुद्दिन यांची ११ वर्षांनंतर कारागृहातून सुटका झाल्याने बिहार सरकार आणि राज्याचे मुख्यमंत्री नितीश कुमार यांच्यावर टीकेची झोड उठत आहे.
Maharashtra Times 16 Sep 2016, 5:51 am