कुत्र्याला ठार मारल्याने दोन गटात रक्तरंजित संघर्ष, १२ हून अधिक जखमी

कानपूरः उत्तर प्रदेशच्या कानपूर ग्रामीण भागात पाळीव कुत्र्याला ठार मारल्याने दोन गटात रक्तरंजित संघर्ष झाला. लाठ्याकाठ्यांनी एका गटाच्या नागरिकांनी हल्ला केला. यात १२ हून अधिक जण जखमी झाले. माहिती मिळताच पोलिस घटनास्थळी दाखल झाले. पोलिसांनी जखमींना रुग्णालयात दाखल केलंय.

कानपूरच्या ग्रामीण भागातील रसुलाबाद भागातील नौहा गावात एका गटाने दुसर्‍या गटावर कुत्र्याला ठार मारल्याचा आरोप केला. त्यानंतर हा वाद प्रचंड विकोपाला गेला. दुसर्‍या गटातील लोकांनी लाठ्यांनी हल्ला केला. त्यात १२ हून अधिक जण जखमी झाले.

माहिती मिळताच पोलिस घटनास्थळी पोहोचले. या घटनेनंतर कुठलीही अनुचित घटना घडू नये यासाठी गावात मोठा पोलिस बंदोबस्त तैनात करण्यात आला आहे. दुसर्‍या गटातील लोकांनी कुत्र्याला ठार मारून दारावर लटकवले. याचा विरोध करण्यासाठी गेल्यावर त्यांनी लाठ्याकाठ्या आणि धारदार शस्त्रांनी आमच्यावर हल्ला केला, असं जखमी महेंद्रसिंह यांनी सांगितलं.

लष्कराने मान्य केलं, शोपियान चकमक प्रकरणी जवानांवर होणार कारवाई

पंतप्रधानांनी सांगूनही मंत्री राजीनामा देतोय, नक्कीच काहीतरी गडबड आहेः संजय राऊत

यावरून वाद वाढत गेला आणि बघता बघता दोन्ही गटात जोरदार हाणामारी झाली आणि अनेक जण त्यात जखमी झाले. पोलिसांनी सर्व जखमींना रुग्णालयात दाखल केलं आहे. पोलिस सध्या या प्रकरणाचा तपास करत आहेत.