मटा ऑनलाइन वृत्त । नवी दिल्ली
पंतप्रधान नरेंद्र मोदी यांनी 'मन की बात' कार्यक्रमातून केलेल्या आवाहनाचा चुकीचा अर्थ काढून दर रविवारी पेट्रोल पंप बंद ठेवण्याचा निर्णय काही पेट्रोल पंप मालकांनी घेतल्याने त्यावर पेट्रोलियम मंत्रालयाने तीव्र नाराजी व्यक्त केली आहे. पंतप्रधानांनी आठवड्यातून एक दिवस इंधन न वापरण्याचं आवाहन वाहनधारकांना केलं आहे. त्यांनी पेट्रोल पंप बंद ठेवण्यास सांगितलेलं नाही, असे नमूद करताना सामान्य लोकांना त्रास होईल असे कोणतेही पाऊल उचलले जाऊ नये, असे पेट्रोलियम मंत्रालयाने बजावले आहे.
महाराष्ट्रात मुंबईसह काही शहरं तसेच दक्षिण भारतात तामिळनाडू, केरळ, पदुचेरी, आंध्र प्रदेश, तेलंगण, कर्नाटकमधील काही प्रमुख शहरांमध्ये १४ मे पासून आठवड्यातून एक दिवस पेट्रोल पंप बंद ठेवण्याचा निर्णय पेट्रोल पंप मालकांनी घेतला आहे. पेट्रोल-डिझेलवर अधिक कमिशन मिळावं अशी या पेट्रोल पंप मालकांची आधीच मागणी आहे. त्यात पंतप्रधानांच्या आवाहनाचं निमित्त करून त्यांनी ही घोषणा केली आहे. त्याची गंभीर दखल पेट्रोलियम मंत्रालयाने घेतली आहे.
पेट्रोलियम मंत्रालयाच्या अधिकृत ट्विटर हँडलवरून याबाबत ट्विट करण्यात आलं असून त्यात पेट्रोल पंप बंद ठेवल्यास सामान्य लोकांची गैरसोय होईल, असे बजावण्यात आले आहे. पेट्रोलियम मंत्री धर्मेंद्र प्रधान यांनी ही ट्विट री-ट्विट केली आहेत.
Hon PM in #MannKiBaat appealed to People of India not to use fuel once a week & not to dealers to close their pumps on Sundays @dpradhanbjp — Petroleum Ministry (@PetroleumMin) April 19, 2017 @PetroleumMin neither endorses nor approves of move by small section of dealers to keep their petrol pumps closed on Sundays @dpradhanbjp — Petroleum Ministry (@PetroleumMin) April 19, 2017
दरम्यान, ऑल इंडिया पेट्रोलियम डीलर्स असोसिएशन्सने पेट्रेल पंप आठवड्यातून एक दिवस बंद ठेवण्याच्या कोणत्याही निर्णयाला आमचं समर्थन नसल्याचं आधीच स्पष्ट केलेलं आहे. ८० टक्के म्हणजेच ५३ हजार २२४ पेट्रोल पंप मालक या संघटनेचे सदस्य आहेत.
पंतप्रधान नरेंद्र मोदी यांनी 'मन की बात' कार्यक्रमातून केलेल्या आवाहनाचा चुकीचा अर्थ काढून दर रविवारी पेट्रोल पंप बंद ठेवण्याचा निर्णय काही पेट्रोल पंप मालकांनी घेतल्याने त्यावर पेट्रोलियम मंत्रालयाने तीव्र नाराजी व्यक्त केली आहे. पंतप्रधानांनी आठवड्यातून एक दिवस इंधन न वापरण्याचं आवाहन वाहनधारकांना केलं आहे. त्यांनी पेट्रोल पंप बंद ठेवण्यास सांगितलेलं नाही, असे नमूद करताना सामान्य लोकांना त्रास होईल असे कोणतेही पाऊल उचलले जाऊ नये, असे पेट्रोलियम मंत्रालयाने बजावले आहे.
महाराष्ट्रात मुंबईसह काही शहरं तसेच दक्षिण भारतात तामिळनाडू, केरळ, पदुचेरी, आंध्र प्रदेश, तेलंगण, कर्नाटकमधील काही प्रमुख शहरांमध्ये १४ मे पासून आठवड्यातून एक दिवस पेट्रोल पंप बंद ठेवण्याचा निर्णय पेट्रोल पंप मालकांनी घेतला आहे. पेट्रोल-डिझेलवर अधिक कमिशन मिळावं अशी या पेट्रोल पंप मालकांची आधीच मागणी आहे. त्यात पंतप्रधानांच्या आवाहनाचं निमित्त करून त्यांनी ही घोषणा केली आहे. त्याची गंभीर दखल पेट्रोलियम मंत्रालयाने घेतली आहे.
पेट्रोलियम मंत्रालयाच्या अधिकृत ट्विटर हँडलवरून याबाबत ट्विट करण्यात आलं असून त्यात पेट्रोल पंप बंद ठेवल्यास सामान्य लोकांची गैरसोय होईल, असे बजावण्यात आले आहे. पेट्रोलियम मंत्री धर्मेंद्र प्रधान यांनी ही ट्विट री-ट्विट केली आहेत.
Hon PM in #MannKiBaat appealed to People of India not to use fuel once a week & not to dealers to close their pumps on Sundays @dpradhanbjp — Petroleum Ministry (@PetroleumMin) April 19, 2017 @PetroleumMin neither endorses nor approves of move by small section of dealers to keep their petrol pumps closed on Sundays @dpradhanbjp — Petroleum Ministry (@PetroleumMin) April 19, 2017
दरम्यान, ऑल इंडिया पेट्रोलियम डीलर्स असोसिएशन्सने पेट्रेल पंप आठवड्यातून एक दिवस बंद ठेवण्याच्या कोणत्याही निर्णयाला आमचं समर्थन नसल्याचं आधीच स्पष्ट केलेलं आहे. ८० टक्के म्हणजेच ५३ हजार २२४ पेट्रोल पंप मालक या संघटनेचे सदस्य आहेत.