Pegasus Report: राहुल गांधी, प्रशांत किशोरसह दोन केंद्रीय मंत्र्यांचे फोन टॅप

नवी दिल्लीः 'पिगासस स्पायवेअर' प्रकरणी मोठी माहिती समोर ( Pegasus Report ) आली आहे. काँग्रेस नेते राहुल गांधी ( rahul gandhi ) आणि निवडणूक रणनीतीकार प्रशांत किशोर ( prashant kishor ) यांच्यासह दोन केंद्रीय मंत्र्यांचीही हेरगिरी केल्याचं सांगण्यात येत आहे. केंद्रीय मंत्र्यांमध्ये आयटी मंत्री अश्विनी वैष्णव आणि प्रल्हाद पटेल यांची नावं आहेत. 'द वायर' ने वृत्त दिलं आहे. लीक झालेल्या डेटामध्ये ३०० भारतीयांचे मोबाइल नंबर आहेत. यातै ४० मोबाइल नंबर हे पत्रकारांचे आहेत. याशिवाय तीन बडे विरोधी पक्षातील नेते, केंद्र सरकारमधील दोन मंत्री, संरक्षण संस्थांचे विद्यमान आणि माजी प्रमुख अधिकारी, उद्योगपतींचा समावेश आहे. हे मोबाइल नंबरची २०१९ च्या लोकसभा निवडणुकीपूर्वी २०१८-१९ दरम्यान हेरगिरी करण्यात आली होती.

पश्चिम बंगालच्या मुख्यमंत्री ममता बॅनर्जी यांचे भाचे अभिषेक बॅनर्जी यांनाही टार्गेट केलं आहे. या यादीतील सर्वात चकीत करणारं नाव केंद्रीय मंत्री अश्विनी वैष्णव यांचं आहे. वैष्णव यांचा अलिकडेच केंद्रीय मंत्रिमंडळात समावेश झाला आहे. ते माहिती-तंत्रज्ञान मंत्री (IT) झाले आहेत. त्यांची हेरगिरी केली गेली तेव्हा ते २०१८-१९ मध्ये खासदार होते. माजी सरन्यायाधीश रंजन गोगाई यांच्यावर लैंगिक छळाचा आरोप करणाऱ्या सुप्रीम कोर्टाच्या महिला कर्मचाऱ्याचाही यात समावेश आहे.

राहुल गांधी म्हणाले...

राहुल गांधी यांनीही आपल्या फोनमध्ये हेरगिरी होत असल्याचा आरोप केला आहे. राहुल गांधी यांनी यासंदर्भात आज सकाळी ट्वीट केलं आहे. माझ्या मोबाइलमधून सर्व काही माहिती वाचली जात असल्याचं राहुल गांधी म्हणाले.
rajya sabha : PM मोदींच्या कॅबिनेटमधील मंत्री 'बांगलादेशी', TMC चा दावा; राज्यसभेत तुफान गदारोळ

'५ वेळा मोबाइल हँडसेट बदलला पण हॅकिंग सुरूच'

निवडणूक रणनीतीकार प्रशांत किशोकर यांनी २०१४ च्या लोकसभा निवडणुकीवेळी मोठी भूमिका बजावली होती. यानंतर स्पष्ट बहुमत मिळवत भाजपने सत्ता स्थापन केली होती. आता इस्रायलच्या कंपनीने 'पिगासस सॉफ्टवेअर'द्वारे फोन टॅपिंग केल्याचं सांगण्यात येत आहे. यात प्रशांत किशोर यांचंही नाव असल्याचं बोललं जांतय. यावर प्रशांत किशोर यांनी प्रतिक्रिया दिली आहे. मोबाइल हॅकिंगमुळे आपण आतापर्यंत ५ वेळा हँडसेट बदलला आहे. तरीही मोबाइल हॅकिंग सुरू आहे, असं प्रशांत किशोर म्हणाले.

pm modi : शेतकरी, मागास, आदिवासी आणि महिल्यांचा मंत्रिमंडळात समावेश विरोधकांच्या प