omicron virus : PM मोदींची दोन तास अधिकाऱ्यांसोबत बैठक, दिली 'ही' मोठी सूचना

नवी दिल्लीः जगभरात करोना व्हायरसच्या नव्या प्रकाराने खळबळ उडवली आहे. या पार्श्वभूमीवर पंतप्रधान नरेंद्र मोदींनी आज दिल्लीत उच्चस्तरीय बैठक घेतली आहे. या बैठकीत पंतप्रधान मोदींना दक्षिण आफ्रिकेत आढळून आलेल्या करोनाच्या नवा वेरियंट ओमिक्रॉनबाबत माहिती देण्यात आली. तसंच हा वेरियंटचा संसर्ग असलेल्या देशांमधील स्थितीची माहिती दिली गेली. करोनाच्या नव्या धोकादायक वेरियंटच्या पार्श्वभूमीवर पंतप्रधान मोदींनी अधिकाऱ्यांना सूचना दिली आहे. करोना संसर्गाच्या पार्श्वभूमीवर लागू करण्यात आलेल्या आंतरराष्ट्रीय प्रवासावर निर्बंध लागू करण्यात आले होते. पण आता आंतरराष्ट्रीय प्रवासासंबधी सूट देण्याची योजना आहे. या योजनाची समीक्षा करावी, अशी सूचना पंतप्रधान मोदींनी अधिकाऱ्यांना केली.

आंतरराष्ट्रीय प्रवाशांवर देखरेखर आणि मार्गदर्शक सूचनांनुसार त्यांचे टेस्टिंग करण्यावर भर द्यावी. खासकरून संसर्ग असलेल्या देशांमधील नागरिकांची ओळख करून त्यांवर बारकाई लक्ष देण्याची सूचना पंतप्रधान मोदींनी केली. पंतप्रधान कार्यालयाकडून ही माहिती देण्यात आली. तसंच आंतरराष्ट्रीय प्रवासाबाबत दिलेल्या सूटवर समीक्षा करावी, असे पंतप्रधान मोदी म्हणाले.

omicron : किती धोकादायक आहे करोना विषाणूचा नवा प्रकार 'ओमिक्रॉन', जाणून घ्या ...

पंतप्रधान मोदींची वरिष्ठ अधिकाऱ्यांसोबत जवळपास दोन तास बैठक चालली. यावेळी कॅबिनेट सचिव राजीव गौबा, पंतप्रधान मोदींचे प्रधान सचिव पी. के. मिश्रा, केंद्रीय आरोग्य सचिव राजेश भूषण आणि नीती आयोगाचे सदस्य (आरोग्य) डॉ. व्ही. के. पॉल हे उपस्थित होते. राज्य सरकारांसोबत मिळून काम करावं. यामुळे राज्य आणि जिल्हास्तरापर्यंत नागरिकांमध्ये जागरूकता निर्माण होईल, अशी सूचना पंतप्रधान मोदींनी अधिकाऱ्यांना दिली. करोना संसर्गाचे रुग्ण अधिक आहेत, अशा भागांमध्ये कंटेन्मेंट करून प्रभावी उपाययोजना कराव्यात, अशी सूचनाही पंतप्रधान मोदींनी दिल्याचं पीएमओकडून सांगण्यात आलं.

international flights : मोठा निर्णय! नवीन वर्ष, नाताळची सुट्टी विदेशात साजरी करणाऱ्यांसाठी खूशखबर