अहमदाबादच्या रोड शोमध्ये PM मोदींची भगवी टोपी चर्चेत, काय आहे या टोपीचा अर्थ? वाचा...

अहमदाबाद : उत्तर प्रदेशसह चार राज्यांच्या विधानसभा निवडणुकीत भगवा फडकवल्या ( pm modi roadshow in ahmedabad ) दुसऱ्याच दिवशी पंतप्रधान नरेंद्र मोदी गुजरातमध्ये पोहोचले. अहमदाबाद विमानतळ ते राज्य भाजप कार्यालय 'कमलम' असा सुमारे १० किमीचा त्यांचा भव्य रोड शो झाला. यावेळी मोदी भगव्या रंगाच्या कमळाच्या टोपीमध्ये दिसले. आता या टोपी चर्चा होत आहे.

ही टोपी देखील भाजपच्या रणनीतीचा एक भाग आहे. कारण ही टोपी भाजपच्या लाखो कार्यकर्त्यांना वाटण्यात आली आहे. यातून मोदींनी नेते आणि कार्यकर्त्यांना एकत्र बांधायला सुरुवात केली आहे. गुजरात विधानसभा निवडणुकीपर्यंत नेत्यापासून भाजप कार्यकर्त्यापर्यंत सर्वच या टोपीमध्ये दिसणार असल्याचे भाजपने जाहीर केले आहे.


पंतप्रधान मोदींच्या या रोड शो मध्ये जय श्रीराम, भारत माता की जय आणि मोदी... मोदी... च्या घोषणा देण्यात आल्या. रस्त्याच्या दुतर्फा यावेळी मोठ्या संख्येने नागरिकांनी गर्दी केली होती. पंतप्रधान मोदी उपस्थित नागरिकांना अभिवादन करत होते.


रोड शो नंतर पंतप्रधान मोदी भाजप कार्यालयात पोहोचले. दुपारी दीड वाजता पंतप्रधान मोदींचा ताफा कार्यालयात पोहोचला. जवळपास ४ लाख नागरिक रोड शोमध्ये सहभागी झाले होते. पंतप्रधान मोदींवर यावेळी पुष्प वर्षाव करण्यात आला. या वर्षाच्या अखेरीस गुजरातमध्ये विधानसभा निवडणूक होत आहे. पंतप्रधान मोदींचा रोड शो आयोजित करत गुजरात भाजपने निवडणुकीच्या तयारीला सुरवात केली आहे.

pm modi gujarat : भाजपच्या विजयानंतर PM मोदींचा अहमदाबादमध्ये रोड शो, गुजरात निवडणुकीसाठी फुंकले रणशिंग

वाराणसीच्या रॅलीत बनारसी गमचा, बनारसी टोपीमध्ये

उत्तर प्रदेश निवडणुकीत पंतप्रधान मोदींनी ४ मार्चला पाच वर्षांनंतर त्यांच्या लोकसभा मतदारसंघ वाराणसीमध्ये रोड शो केला होता. यावेळी तो टिपिकल बनारसी रंगात दिसून आले. त्यांनी बनारसी गमचा घातला होता. तसेच थंडीत घातल्या जाणाऱ्या खासीदीचे गरम कपडे आणि नेताजी सुभाष चंद्र बोस यांच्यासारखीच पण भगव्या रंगाची टोपी घालून ते अनोख्या पोषाखात दिसले. या रोड शोमध्ये वोकल फॉर लोकल आणि बनारसीपन असा संदेश देण्यात आला.


prashant kishor : निवडणूक निकालानंतर प्रशांत किशोर यांचे मोठे वक्तव्य; म्हणाले, 'साहेबांना माहिती आहे....'