सोशल मीडियाचे बादशहा PM मोदीच, ३३६ कोटी रुपये ब्रँड व्हॅल्यू!

नवी दिल्लीः पंतप्रधान नरेंद्र मोदी ( pm modi ) हे सोशल मीडियावर सर्वाधिक लोकप्रिय नेते ठरले आहेत. यावर्षी ऑगस्ट ते ऑक्टोबर या काळात त्यांनी ट्विटर, यूट्यूब आणि गुगल सर्चच्या ट्रेंडिंग चार्टमध्ये ते अव्वल स्थानी राहिले आहेत. एका अभ्यासानुसार त्यांची ब्रॅंड व्हॅल्यू ( social media brand value ) सुमारे ३३६ कोटी रुपये आहे.

सोशल मीडियातील विविध प्लॅटफॉर्मवर २,१७१ ट्रेंडसह पंतप्रधान मोदी आघाडीवर होते. त्यांच्यापाठोपाठ आंध्र प्रदेशचे मुख्यमंत्री वाय. एस. जगनमोहन रेड्डी यांनी २,१३७ ट्रेंड मिळवले.

हे नेतेही ट्रेंडिंग होते

पंतप्रधान मोदी आणि जगनमोहन रेड्डी यांच्यानंतर ट्रेंड करणार्‍या इतर नेत्यांमध्ये पश्चिम बंगालच्या मुख्यमंत्री ममता बॅनर्जी, कॉंग्रेस अध्यक्ष सोनिया गांधी, महाराष्ट्राचे मुख्यमंत्री उद्धव ठाकरे, कॉंग्रेस नेते राहुल गांधी यांचा समावेश आहे, असं ऑनलाइन सेंटिमेंट अॅनॅलिसीस कंपनी चेकब्रँडने म्हटलं आहे.

ऑगस्ट ते ऑक्टोबर दरम्यान देशातील प्रमुख ९५ नेते आणि सोशल मीडियावरील ५०० प्रभावी व्यक्तींचा चेकब्रँडने ऑनलाइन संदर्भात सखोल अभ्यास केला. या अभ्यासानुसार, पंतप्रधान नरेंद्र मोदींना ७० इतका ब्रँड स्कोअर मिळाला. जे त्यांच्या जवळच्या प्रतिस्पर्धी नेत्याच्या तुलनेत दुप्पट आहे. सेंटिमेंट, फॉलोअर, एंगेजमेंट, मेन्स आणि ट्रेंड - या ५ मुद्द्यांच्या आधारावर ब्रँड स्कोअर मोजण्यात आला.

'करोना लस केव्हा येणार हे पंतप्रधान मोदीही ठरवू शकत नाही'

अमित शहा आणि योगींचा किती स्कोअर?

केंद्रीय गृहमंत्री अमित शहा यांनी ३६.४३ आणि यूपीचे मुख्यमंत्री योगी आदित्यनाथ यांनी २७.०३ एवढा ब्रँड स्कोअर मिळवली आहे. आसामचे दिवंगत मुख्यमंत्री तरुण गोगोई यांना ३१.८९, अरुणाचल प्रदेशच्या मुख्यमंत्री पेमा खंडू यांना ३१.८९ स्कोअर मिळवला आहे.

पंतप्रधान मोदींनी बैठकीत मुख्यमंत्र्यांना मध्येच टोकले, म्हणाले...

ब्रँड व्हॅल्यू म्हणजे काय?

पीएम मोदी यांचे ब्रँड व्हॅल्यू सुमारे ३३६ कोटी रुपये असून त्यानंतर गृहमंत्री अमित शहा यांची ब्रँड व्हॅल्यू ३३५ कोटी रुपये आहे. दिल्लीचे मुख्यमंत्री अरविंद केजरीवाल यांची ब्रँड व्हॅल्यू ३२८ कोटी रुपये आहे. ही ब्रँड व्हॅल्यू सोशल मीडियावरील फॉलोअर्स आणि एन्गेजमेंटच्या आधारावर काढण्यात येते.