नियती राणा । अहमदाबाद
दिल्लीचे मुख्यमंत्री अरविंद केजरीवाल यांनी पंतप्रधान नरेंद्र मोदी यांच्या पदवी संदर्भात प्रश्न उपस्थित करत केंद्रीय सूचना आयुक्तांकडून (CCI) ही माहिती सार्वजनिक करण्यात यावी, अशी मागणी केली होती. त्यानंतर 'अहमदाबाद मिरर'ने नरेंद्र मोदी हे अभ्यासू विद्यार्थी होते आणि राज्यशास्त्र विषयासह त्यांनी प्रथम श्रेणी मिळवत पदव्युत्तर पदवी परीक्षेचा (एमए) अभ्यासक्रम पूर्ण केला होता, असे वृत्त प्रसिद्ध केले आहे.
केजरीवाल यांच्या मागणीनंतर, सीआयसी श्रीधर आचार्युलु यांनी गुजरात विद्यापीठ आणि दिल्ली विद्यापीठासह पंतप्रधान कार्यालयाकडे मोदींच्या शिक्षणासंदर्भातील माहिती देण्यास सांगितले. केंद्र सरकारने देखील दिल्ली विद्यापीठाकडे मोदींच्या पदवी संदर्भात माहिती मागवली.
गुजरात विद्यापीठाकडून मिळालेल्या माहितीनुसार मोदींनी १९८३मध्ये राज्यशास्त्र विषयातून एमए पदवी मिळवली आहे. मोदी हे दूरस्थ (एक्स्टर्नल) विद्यार्थी होते. त्यांना एकूण ६२.३ टक्के गुण मिळाले होते. त्यांच्या अभ्यासक्रमात युरोपातील राजकारण, भारतीय राजकारणाचे विश्लेषण आणि राजकारणाचे मानसशास्त्र या विषयांचा समावेश होता.
मोदींनी प्री-सायेन्स (१२वी समकक्ष) अभ्यासक्रम विसनगर येथील महाविद्यालयातून पूर्ण केला हातो. गुजरातच्या मुख्यमंत्री आनंदीबेन पटेल देखील याच महाविद्यालयाच्या विद्यार्थी होत्या. गुजरात विद्यापीठाचे कुलगुरू एमएन पटेल यांनी दिलेल्या माहितीनुसार एमएच्या पहिल्या वर्षात मोदींना ४०० पैकी २३७ तर दुसऱ्या वर्षाला ४०० पैकी २६२ गुण मिळाले होते. म्हणजेच एमए अभ्यास क्रमात त्यांना ८०० पैकी ४९९ गुण मिळाले होते.
दुसऱ्या वर्षांचे गुण लक्षात घेतल्यास मोदींना राज्यशास्त्रात ६४ गुण, युरोपातील राजकारण विषयात ६२ गुण, सामाजिक राजकीय विचार विषयात ६२ गुण, मॉडर्न इंडिया/ राजकीय विश्लेषणमध्ये ६९ आणि राजकारणाचे मानसशास्त्र विषयात ६७ गुण मिळाले होते, अशी माहिती पटेल यांनी दिली.
दरम्यान, गुजरात विद्यापीठाने त्यांच्या पदवी आणि पदवी पूर्व अभ्याक्रमाची माहिती दिलेली नाही.
दिल्लीचे मुख्यमंत्री अरविंद केजरीवाल यांनी पंतप्रधान नरेंद्र मोदी यांच्या पदवी संदर्भात प्रश्न उपस्थित करत केंद्रीय सूचना आयुक्तांकडून (CCI) ही माहिती सार्वजनिक करण्यात यावी, अशी मागणी केली होती. त्यानंतर 'अहमदाबाद मिरर'ने नरेंद्र मोदी हे अभ्यासू विद्यार्थी होते आणि राज्यशास्त्र विषयासह त्यांनी प्रथम श्रेणी मिळवत पदव्युत्तर पदवी परीक्षेचा (एमए) अभ्यासक्रम पूर्ण केला होता, असे वृत्त प्रसिद्ध केले आहे.
केजरीवाल यांच्या मागणीनंतर, सीआयसी श्रीधर आचार्युलु यांनी गुजरात विद्यापीठ आणि दिल्ली विद्यापीठासह पंतप्रधान कार्यालयाकडे मोदींच्या शिक्षणासंदर्भातील माहिती देण्यास सांगितले. केंद्र सरकारने देखील दिल्ली विद्यापीठाकडे मोदींच्या पदवी संदर्भात माहिती मागवली.
गुजरात विद्यापीठाकडून मिळालेल्या माहितीनुसार मोदींनी १९८३मध्ये राज्यशास्त्र विषयातून एमए पदवी मिळवली आहे. मोदी हे दूरस्थ (एक्स्टर्नल) विद्यार्थी होते. त्यांना एकूण ६२.३ टक्के गुण मिळाले होते. त्यांच्या अभ्यासक्रमात युरोपातील राजकारण, भारतीय राजकारणाचे विश्लेषण आणि राजकारणाचे मानसशास्त्र या विषयांचा समावेश होता.
मोदींनी प्री-सायेन्स (१२वी समकक्ष) अभ्यासक्रम विसनगर येथील महाविद्यालयातून पूर्ण केला हातो. गुजरातच्या मुख्यमंत्री आनंदीबेन पटेल देखील याच महाविद्यालयाच्या विद्यार्थी होत्या. गुजरात विद्यापीठाचे कुलगुरू एमएन पटेल यांनी दिलेल्या माहितीनुसार एमएच्या पहिल्या वर्षात मोदींना ४०० पैकी २३७ तर दुसऱ्या वर्षाला ४०० पैकी २६२ गुण मिळाले होते. म्हणजेच एमए अभ्यास क्रमात त्यांना ८०० पैकी ४९९ गुण मिळाले होते.
दुसऱ्या वर्षांचे गुण लक्षात घेतल्यास मोदींना राज्यशास्त्रात ६४ गुण, युरोपातील राजकारण विषयात ६२ गुण, सामाजिक राजकीय विचार विषयात ६२ गुण, मॉडर्न इंडिया/ राजकीय विश्लेषणमध्ये ६९ आणि राजकारणाचे मानसशास्त्र विषयात ६७ गुण मिळाले होते, अशी माहिती पटेल यांनी दिली.
दरम्यान, गुजरात विद्यापीठाने त्यांच्या पदवी आणि पदवी पूर्व अभ्याक्रमाची माहिती दिलेली नाही.