PM मोदी कुठे आहेत? काँग्रेस खासदाराने असं म्हणताच मोदींची लोकसभेत एन्ट्री

नवी दिल्लीः पंतप्रधान मोदी हे निवडणुकीच्या प्रचारसभांमध्ये व्यग्र आहेत आणि त्यांना सभागृहात येण्यासाठी वेळ नाहीए, असा लोकसभेत काँग्रेसने केला. पण विरोधकांच्या आरोपानंतर काही वेळातच पंतप्रधान मोदींची लोकसभेत एन्ट्री झाली. संसदेच्या अर्थसंकल्पीय अधिवेशनाचं दुसरं सत्र सुरू आहे. काँग्रेस खासदार रवनीत सिंह बिट्टू यांनी प्रश्नोत्तराचा तास संपताच लोकसभेतील पंतप्रधान मोदींच्या अनुपस्थीतीवरून प्रश्न उपस्थित केला. संसदेच्या अर्थसंकल्पीय अधिवेशनीतल दुसरं सत्र संपत आलं, पण पंतप्रधान मोदी कुठे आहेत? असा प्रश्न बिट्टू यांनी केला.

पंतप्रधानांची भेट घेण्यासाठी पश्चिम बंगालच्या प्रचारसभेत जावं लागेल का? या सत्रात अनेक विधेयकं मंजूर झाली. पण पेट्रोल, डिझेल आणि घरगुती गॅस सिलिंडरच्या वाढत्या किमतीवर सरकानेर काहीही स्पष्टीकरण दिलं नाही. विरोधकांचा आरोप चुकीचा आहे. पंतप्रधान मोदी सभागृहात आले होते, असं संसदीय कार्यराज्यमंत्री अर्जुन राम मेघवाल म्हणाले.

या मुद्द्यावर काँग्रेसचे काही खासदार आणि सरकारमधील मंत्र्यांमध्ये शाब्दीक खटकेही उडाले. लोकसभेत हा प्रकार झाल्यानंतर काही वेळातच पंतप्रधान मोदी झाले आणि विरोधक गप्प झाले. पंतप्रधान मोदींची लोकसभेत एन्ट्री होताच भाजप खासदारांनी 'जय श्रीराम आणि 'भारत माता की जय' च्या घोषणा दिल्या.

jyotiraditya scindia : ज्योतिरादित्य शिंदेंचा ठाकरे सरकारवर निशाणा म्हणाले, 'तोंड उघडायला लावू नका'

काँग्रेस नेते राहुल गांधीही यादरम्यान लोकसभेत पोहोचले. यानंतर लोकसभेचं कामकाज काही वेळ चाललं. त्यानंतर लोकसभा अनिश्चित काळासाठी तहकूब केली गेली.

संसदेत NCT विधेयक मंजूर, 'आप' म्हणाली, 'केंद्र सरकार केजरीवालांना घाबरले'