मटा ऑनलाइन वृत्त । उधमपूर
पंतप्रधान नरेंद्र मोदी यांच्या हस्ते आज कडेकोट सुरक्षा व्यवस्थेत जम्मू-श्रीनगर राष्ट्रीय महामार्गावरील आशियातील सर्वात लांबीच्या चेनानी-नाशरी बोगद्याचे लोकार्पण करण्यात आले. हा बोगदा ९.२ किलो मीटर लांबीचा असून या बोगद्यामुळे जम्मू-श्रीनगर प्रवासाचे दोन तास वाचणार आहेत.
पंतप्रधान मोदी यांनी बोगद्याचे उद्घाटन केल्यानंतर ओपन जीपमधून प्रवासाचा आनंदही घेतला. एका ठिकाणी तर पंतप्रधानांनी जीपमधून उतरून काही अंतर चालत कापलं. यावेळी मुख्यमंत्री मेहबूबा मुफ्ती, केंद्रीय मंत्री नितीन गडकरी उपस्थित होते.
पंतप्रधान कार्यालयाचे राज्यमंत्री जितेंद्र सिंह यांनी सांगितले की, या बोगद्यामुळे दरदिवशी २७ लाख तर दरवर्षी सुमारे ९९ कोटी रुपयांच्या इंधनाची बचत होणार आहे. चेनानी आणि नाशरी यांमधील अंतर ४१ कि.मी. इतकं होतं ते आता १०.९ कि.मी इतकं कमी झालं आहे.
बोगद्याची १० वैशिष्ट्ये:
१. दोन लेनचा हा बोगदा आशिया खंडातील सर्वाधिक लांबीचा बोगदा आहे. यामुळे जम्मू-श्रीनगर हे अंतर १०० कि.मी. ने कमी होणार आहे. म्हणजेच प्रवासाचा वेळ साधारण दोन तासांनी वाचणार आहे.
२. हा बोगदा बांधण्यासाठी सात वर्षांचा कालावधी लागला. खराब हवामान असताना जम्मू-श्रीनगर महामार्ग बंद केला जातो. हा बोगदा मात्र कधीही बंद करावा लागणार नाही, अशी व्यवस्था करण्यात आली आहे. उधमपूर जिल्ह्यातील चेनानी येथे सुरू होऊन हा बोगदा रामबन जिल्ह्यातील नाशरी येथे बाहेर पडतो.
३. बर्फवृष्टी आणि दरड कोसळण्याची भीती असलेल्या ४४ ठिकाणांपासून हा बोगदा तुमची सुटका करणार आहे.
४. या बोगद्याच्या उभारणीसाठी एकूण १ हजार ५०० इंजीनिअर्स, भूगर्भतज्ज्ञ आणि कामगारांनी अहोरात्र मेहनत घेतली.
५. या बोगद्यासाठी एकूण ३ हजार ७२० कोटी रुपये इतका खर्च आला. राष्ट्रीय महामार्ग प्राधिकरणाने या बोगद्याची उभारणी केली.
६. बोगद्याच्या सुरक्षेसाठी सुमारे १२४ सीसीटीव्ही कॅमेरे लावण्यात आले आहेत. वाहतूक नियमांचे उल्लंघन झाल्यास कंट्रोल रूमकडून तत्काळ वाहतूक पोलिसांना त्यांची माहिती दिली जाणार आहे.
७. दोन लेनवर २९ क्रॉस पॅसेज देण्यात आले आहेत. प्रत्येक ३०० मीटर अंतरावर एक पॅसेज आहे.
८. बोगद्यात ऑक्सिजनचा तुटवडा भासू नये म्हणूनही खबरदारी घेण्यात आली आहे. बोगद्यात हवा खेळती राहावी, कार्बनडाय ऑक्साइडचे प्रमाण वाढू नये यासाठी ठिकठिकाणी छिद्रं ठेवण्यात आली आहेत.
९. बोगद्यात पार्किंगची व्यवस्थाही करण्यात आली आहे. एखाद्या वाहनात बिघाड झाल्यास गैरसोय होऊ नये म्हणून ही व्यवस्था असणार आहे.
१०. या बोगद्यामुळे काश्मीर खोऱ्याचा इतर भागांशी बाराही महिने संपर्क राहणार आहे. व्यापार आणि पर्यटन या दोहोंसाठी हा बोगदा पर्वणी ठरेल. जम्मू-काश्मीरसाठी हा बोगदा लाइफलाइनच ठरणार आहे.
PM @narendramodi inaugurates 9.2 km long Chenani-Nashri Tunnel that will reduce travel time between Jammu & Srinagar by 2 hours pic.twitter.com/jvXQ1yQfNB — PIB India (@PIB_India) April 2, 2017
पंतप्रधान नरेंद्र मोदी यांच्या हस्ते आज कडेकोट सुरक्षा व्यवस्थेत जम्मू-श्रीनगर राष्ट्रीय महामार्गावरील आशियातील सर्वात लांबीच्या चेनानी-नाशरी बोगद्याचे लोकार्पण करण्यात आले. हा बोगदा ९.२ किलो मीटर लांबीचा असून या बोगद्यामुळे जम्मू-श्रीनगर प्रवासाचे दोन तास वाचणार आहेत.
पंतप्रधान मोदी यांनी बोगद्याचे उद्घाटन केल्यानंतर ओपन जीपमधून प्रवासाचा आनंदही घेतला. एका ठिकाणी तर पंतप्रधानांनी जीपमधून उतरून काही अंतर चालत कापलं. यावेळी मुख्यमंत्री मेहबूबा मुफ्ती, केंद्रीय मंत्री नितीन गडकरी उपस्थित होते.
पंतप्रधान कार्यालयाचे राज्यमंत्री जितेंद्र सिंह यांनी सांगितले की, या बोगद्यामुळे दरदिवशी २७ लाख तर दरवर्षी सुमारे ९९ कोटी रुपयांच्या इंधनाची बचत होणार आहे. चेनानी आणि नाशरी यांमधील अंतर ४१ कि.मी. इतकं होतं ते आता १०.९ कि.मी इतकं कमी झालं आहे.
बोगद्याची १० वैशिष्ट्ये:
१. दोन लेनचा हा बोगदा आशिया खंडातील सर्वाधिक लांबीचा बोगदा आहे. यामुळे जम्मू-श्रीनगर हे अंतर १०० कि.मी. ने कमी होणार आहे. म्हणजेच प्रवासाचा वेळ साधारण दोन तासांनी वाचणार आहे.
२. हा बोगदा बांधण्यासाठी सात वर्षांचा कालावधी लागला. खराब हवामान असताना जम्मू-श्रीनगर महामार्ग बंद केला जातो. हा बोगदा मात्र कधीही बंद करावा लागणार नाही, अशी व्यवस्था करण्यात आली आहे. उधमपूर जिल्ह्यातील चेनानी येथे सुरू होऊन हा बोगदा रामबन जिल्ह्यातील नाशरी येथे बाहेर पडतो.
३. बर्फवृष्टी आणि दरड कोसळण्याची भीती असलेल्या ४४ ठिकाणांपासून हा बोगदा तुमची सुटका करणार आहे.
४. या बोगद्याच्या उभारणीसाठी एकूण १ हजार ५०० इंजीनिअर्स, भूगर्भतज्ज्ञ आणि कामगारांनी अहोरात्र मेहनत घेतली.
५. या बोगद्यासाठी एकूण ३ हजार ७२० कोटी रुपये इतका खर्च आला. राष्ट्रीय महामार्ग प्राधिकरणाने या बोगद्याची उभारणी केली.
६. बोगद्याच्या सुरक्षेसाठी सुमारे १२४ सीसीटीव्ही कॅमेरे लावण्यात आले आहेत. वाहतूक नियमांचे उल्लंघन झाल्यास कंट्रोल रूमकडून तत्काळ वाहतूक पोलिसांना त्यांची माहिती दिली जाणार आहे.
७. दोन लेनवर २९ क्रॉस पॅसेज देण्यात आले आहेत. प्रत्येक ३०० मीटर अंतरावर एक पॅसेज आहे.
८. बोगद्यात ऑक्सिजनचा तुटवडा भासू नये म्हणूनही खबरदारी घेण्यात आली आहे. बोगद्यात हवा खेळती राहावी, कार्बनडाय ऑक्साइडचे प्रमाण वाढू नये यासाठी ठिकठिकाणी छिद्रं ठेवण्यात आली आहेत.
९. बोगद्यात पार्किंगची व्यवस्थाही करण्यात आली आहे. एखाद्या वाहनात बिघाड झाल्यास गैरसोय होऊ नये म्हणून ही व्यवस्था असणार आहे.
१०. या बोगद्यामुळे काश्मीर खोऱ्याचा इतर भागांशी बाराही महिने संपर्क राहणार आहे. व्यापार आणि पर्यटन या दोहोंसाठी हा बोगदा पर्वणी ठरेल. जम्मू-काश्मीरसाठी हा बोगदा लाइफलाइनच ठरणार आहे.
PM @narendramodi inaugurates 9.2 km long Chenani-Nashri Tunnel that will reduce travel time between Jammu & Srinagar by 2 hours pic.twitter.com/jvXQ1yQfNB — PIB India (@PIB_India) April 2, 2017