pm modi address to nation : 'लस येईपर्यंत करोनाविरोधी लढाई सुरूच राहणार'

नवी दिल्लीः पंतप्रधान नरेंद्र मोदी आज पुन्हा एकदा देशाच्या नागरिकांना संबोधित करत आहेत. व्हिडिओच्या माध्यमातून देशवासियांना त्यांचे संबोधन सुरू आहे. नरेंद्र मोदी आपल्या संबोधनातून जनतेला काय देत आहेत संदेश? वाचा अपडेट्स...


- नवरात्र, दसरा, ईद, दीपावली, गुरुनानक जयंती अशा सर्व सणांसाठी देशवासियांना पुन्हा शुभेच्छा

- करोनावर औषध किंवा लस येत नाही तोपर्यंत लढाई सुरूच राहणार

- सणासुदीच्या काळात थोडाही निष्काळजीपणा धोकादायक ठरू शकतो

- आजार पूर्णपणे बरा होत नाही तोपर्यंत सहजतेने घेऊ नये, असं रामचरित मानसमधून सांगण्यात आलंय

- करोनाची लस प्रत्येक नागरिकापर्यंत पोहोचेल यासाठी वेगाने काम सुरू आहे

- भारतात करोनावरील अनेक लशींवर काम सुरू आहे. काही लस प्रगस्त स्तरावर आहे

- करोनावर लस येत नाही तपोर्यंत करोनाविरोधातील लढाई कमकुवत व्हायला नको

- डॉक्टर, नर्सेससह सर्व यंत्रणांनी चांगलं काम केलं

- भारतात करोनातून बरे होण्याचे प्रमाण अधिक

- देशातील करोना रुग्णांच्या संख्येत घट, इतर देशांच्या तुलनेत भारतातील मृत्यू दर कमी

- इतर देशांच्या तुलनेत भारतातील स्थिती नियंत्रणात आहे. यामुळे प्रत्येक भारतीयाने जबाबदारीने वागून या स्थितीत आणखी सुधारणा करावी

- लॉकडाउन संपला पण करोना संपलेला नाही

- सणांमुळे बाजारांमध्ये झगमगाट हळूहळू दिसून येत आहे

- अनेक नागरिक आपली कामे करण्यासाठी रोज घराबाहेर पडत आहेत

- काळानुसार आर्थिक हालचालींमध्ये वेग येत आहे

- करोनाविरोधातील लढाईत जनता कर्फ्यूपासून आतापर्यंत सर्व भारतीय आणि मोठा पल्ला गाठला