जशोदाबेन मोदी यांच्या कारला अपघात

जयपूर:

पंतप्रधान नरेंद्र मोदी यांच्या पत्नी जशोदाबेन यांच्या कारला भीषण अपघात झाला असून त्यात त्या जखमी झाल्या आहेत. जशोदाबेन यांच्या डोक्याला बराच मार लागला आहे. मात्र, त्यांची प्रकृती चिंताजनक नसल्याचं त्यांच्यावर उपचार करणाऱ्या डॉक्टरांनी सांगितलं. या अपघातात एका व्यक्तीचा मृत्यू झाला आहे.

एका कार्यक्रमासाठी जशोदाबेन राजस्थानातील चितोडगडला जात होत्या. यावेळी त्यांचा अपघात झाला. हा अपघात इतका भीषण होता की त्यात जशोदाबेन यांच्या कारचा चक्काचूर झाला. त्यात एकजण ठार झाला. अपघातानंतर स्थानिकांनी त्यांना लगेचच चितोडगड रुग्णालयात दाखल केलं. त्यांच्या डोक्याला आणि हाताला मार लागल्याचं वैद्यकीय सूत्रांनी सांगितलं.