पंतप्रधान जाणार आफ्रिका दौऱ्यावर

Dipanjan.RoyChaudhury@timesgroup.com

नवी दिल्ली (ईटी वृत्त) : पंतप्रधान नरेंद्र मोदी ७ ते ११ जुलै या कालावधीमध्ये आफ्रिका खंडातील देशांच्या दौऱ्यावर जाणार आहेत. मोझांबिक, दक्षिण आफ्रिका, टांझानिया आणि केनिया या देशांचा दौरा मोदी करणार असल्याचे सूत्रांनी सांगितले. विविध पातळ्यांवर या देशांशी द्विपक्षीय संबंध वाढवण्यावर मोदी चर्चा करणार असल्याचे सूत्रांनी सांगितले. दक्षिण आफ्रिका दौऱ्यामध्ये मोदी यांचा जोहान्सबर्ग येथे जाहीर कार्यक्रम होणार आहे. तेथील ८ हजार अनिवासी भारतीयांनी या कार्यक्रमासाठी नोंदणी केली आहे. येत्या काही दिवसात ही संख्या वाढण्याची शक्यता आहे. आफ्रिका खंडातील या देशांमध्ये भारतीयांची संख्या मोठ्या प्रमाणावर असल्याने या दौऱ्याबाबत तेथील भारतीयांमध्ये उत्सुकता आहे. नुकताच आफ्रिकी देशांचा राष्ट्रपती प्रणव मुखर्जी यांनी दौरा केला होता.