राणा कपूरच्या ईडी कोठडीत १६ मार्चपर्यंत वाढ

मुंबईः येस बँक घोटाळा प्रकरणी बँकेचे संस्थापक राणा कपूर यांच्या ईडी कोठडीत १६ मार्चपर्यंत वाढ करण्यात आली आहे. मुंबईतील विशेष पीएमएलए कोर्टाने त्यांची कोठडी वाढवली. राणा कपूर ज्या काळात बँकेच्या पॅनलववर होते. त्या काळात बँकेने ३० हजार कोटी रुपयांच्या कर्जाचे वाटप केले. त्यातील २० हजार कोटी रुपयांची कर्जे बुडाली. यामुळे कपूर यांची अधिक चौकशी करायची आहे, अशी मागणी ईडीने कोर्टात केली. ईडीची ही मागणी कोर्टाने मान्य केली.

अनिल अंबानी आणि सुभाष चंद्रांवर २१ हजार कोटींचे कर्ज

आर्थिक संकटात अडकलेल्या येस बँकेचे उद्योगपती अनिल अंबानी यांच्या रिलायन्स समूहावर मोठे कर्ज आहे. येस बँकेची सर्व कर्जे फेडली जातील, असं रिलायन्स समूहाकडून सांगण्यात आलंय. कंपनीची मालमत्ता विकून येस बँकेचे कर्ज फेडले जाईल, असं रिलायन्सने म्हटलंय. येस बँकेचे अनिल अंबानी यांच्या रिलायन्स समूहातील ९ कंपन्यांवर १२, ८०० कोटी रुपयांचे कर्ज आहे. तर सुभाष चंद्रा यांच्या एस्सेल समूहावर ८, ४०० कोटींचं कर्ज आहे. येस बँकेचे असे ४४ कंपन्यांवर एकूण ३४ हजार कोटी रुपयांचे कर्ज आहे.

येस बँक; सोमय्यांनी जाहीर केली कर्जबुडव्यांची याद...

येस बॅंक संकट; बुडित कर्जे प्रचंड वाढली