PMOतल्या कर्मचाऱ्यांना 'कॅशलेस'चे धडे

मटा ऑनलाइन वृत्त । नवी दिल्ली

'कॅशलेस' व्हा, अशी हाक पंतप्रधान नरेंद्र मोदी यांनी दिल्यानंतर पंतप्रधानांच्या कार्यालयाने आज एक आगळी मोहिम राबवली. कार्यालयातल्या अधिकाऱ्यांनी कर्मचाऱ्यांना कॅशलेस होण्याचे धडे दिले.

पंतप्रधानांचे मुख्य सचिव नृपेंद्र मिस्रा आणि अतिरिक्त मुख्य सचिव पी. के. मिश्रा यांनीही या कार्यशाळेत सक्रीय सहभाग नोंदवून कर्मचाऱ्यांना UPI आणि ई-वॉलेटची माहिती दिली. इंटरनेट बॅंकिंग तसेच दररोजच्या व्यवहारांसाठी मोबाइल अॅप कसे वापरावेत याचेही प्रशिक्षण देण्यात आले.