नियती राणा, अहमदाबाद मिरर
पंतप्रधान नरेंद्र मोदींच्या शिक्षणावरुन सुरू झालेला वाद शांत होत असतानाच त्यांच्या जन्मतारखेवरुन वाद सुरू झाला आहे. एम. एन. सायन्स कॉलेज, विसनगर येथे मोदींची जन्मतारीख २९ ऑगस्ट १९४९ अशी नोंदवण्यात आली आहे. पण मोदींचे भाऊ जन्माचा दिवस १७ सप्टेंबर १९५० असल्याचे सांगत आहेत.
पंतप्रधान मोदींनी जाहीर केलेल्या माहितीनुसार, त्यांची जन्मतारीख १७ सप्टेंबर १९५० अशीच आहे. मात्र कॉलेजमध्ये वेगळ्या तारखेची नोंद आढळल्यामुळे काँग्रेस आणि आम आदमी पार्टीच्या गुजरातमधील नेत्यांनी तारखेच्या गोंधळाची चौकशी व्हायला हवी अशा स्वरुपाची मागणी करण्यास सुरुवात केली आहे.
विसनगरच्या एम. एन. सायन्स कॉलेजमध्ये मोदींच्या जन्मतारखेची माहिती एका रजिस्टरमध्ये हाताने लिहिण्यात आली आहे. ही माहिती १९६७ मध्ये कॉलेज प्रशासनातील कोणीतरी लिहिली आहे. आता माहिती नमूद करणारी व्यक्ती शोधणे व्यावहारिकदृष्ट्या अशक्य आहे, असे कॉलेजचे प्राचार्य के. एम. जोशी यांनी सांगितले. आमच्याकडे तारखेची खात्री करुन घेण्यासाठी फक्त मागील ५ वर्षांतील माजी विद्यार्थ्यांचे प्रवेश घेण्यासाठी भरलेले मूळ फॉर्म उपलब्ध आहेत, त्याआधीचे फॉर्म नाही; असे प्राचार्यांनी सांगितले.
जन्मतारखेचा गोंधळ दूर करण्यासाठी कॉलेज प्रशासनाने मोदी वडनगरमध्ये ज्या शाळेत शिकले त्या बी. एन. हायस्कूलच्या प्रशासनाशी संपर्क साधला. मात्र तिथे जन्मतारखेची नोंद १७ सप्टेंबर १९५० अशीच आहे. अर्थात प्रवेशावेळी भरलेला फॉर्म शाळेत उपलब्ध नाही. त्यामुळे कॉलेजच्या रजिस्टरमध्ये माहिती लिहिताना प्रशासनाकडून चुकीची नोंद झाली असू शकते, असे प्राचार्य जोशी यांनी सांगितले.
पंतप्रधान नरेंद्र मोदींच्या शिक्षणावरुन सुरू झालेला वाद शांत होत असतानाच त्यांच्या जन्मतारखेवरुन वाद सुरू झाला आहे. एम. एन. सायन्स कॉलेज, विसनगर येथे मोदींची जन्मतारीख २९ ऑगस्ट १९४९ अशी नोंदवण्यात आली आहे. पण मोदींचे भाऊ जन्माचा दिवस १७ सप्टेंबर १९५० असल्याचे सांगत आहेत.
पंतप्रधान मोदींनी जाहीर केलेल्या माहितीनुसार, त्यांची जन्मतारीख १७ सप्टेंबर १९५० अशीच आहे. मात्र कॉलेजमध्ये वेगळ्या तारखेची नोंद आढळल्यामुळे काँग्रेस आणि आम आदमी पार्टीच्या गुजरातमधील नेत्यांनी तारखेच्या गोंधळाची चौकशी व्हायला हवी अशा स्वरुपाची मागणी करण्यास सुरुवात केली आहे.
विसनगरच्या एम. एन. सायन्स कॉलेजमध्ये मोदींच्या जन्मतारखेची माहिती एका रजिस्टरमध्ये हाताने लिहिण्यात आली आहे. ही माहिती १९६७ मध्ये कॉलेज प्रशासनातील कोणीतरी लिहिली आहे. आता माहिती नमूद करणारी व्यक्ती शोधणे व्यावहारिकदृष्ट्या अशक्य आहे, असे कॉलेजचे प्राचार्य के. एम. जोशी यांनी सांगितले. आमच्याकडे तारखेची खात्री करुन घेण्यासाठी फक्त मागील ५ वर्षांतील माजी विद्यार्थ्यांचे प्रवेश घेण्यासाठी भरलेले मूळ फॉर्म उपलब्ध आहेत, त्याआधीचे फॉर्म नाही; असे प्राचार्यांनी सांगितले.
जन्मतारखेचा गोंधळ दूर करण्यासाठी कॉलेज प्रशासनाने मोदी वडनगरमध्ये ज्या शाळेत शिकले त्या बी. एन. हायस्कूलच्या प्रशासनाशी संपर्क साधला. मात्र तिथे जन्मतारखेची नोंद १७ सप्टेंबर १९५० अशीच आहे. अर्थात प्रवेशावेळी भरलेला फॉर्म शाळेत उपलब्ध नाही. त्यामुळे कॉलेजच्या रजिस्टरमध्ये माहिती लिहिताना प्रशासनाकडून चुकीची नोंद झाली असू शकते, असे प्राचार्य जोशी यांनी सांगितले.