PNR स्टेटसची लिंक ठप्प; प्रवासी हैराण!

मटा ऑनलाइन वृत्त । मुंबई

रेल्वे आरक्षणाची सद्यस्थिती जाणून घेण्यासाठीची पीएनआर (PNR) स्टेटस लिंक काल रात्रीपासून बंद असल्याने प्रवाशांना मनस्ताप सहन करावा लागत आहे. ज्याचे तिकीट वेटिंग लिस्टवर आहे, अशा प्रवाशांना स्टेटस जाणून घेण्यात अडचणी येत आहेत. भारतीय रेल्वे वेबसाइटवरील www.indianrail.gov.in/pnr_Enq.html ही लिंक गेल्या १२ तासांपासून ठप्प झाली आहे. यासंदर्भात अनेक प्रवाशांनी टि्वटरवरून पीएनआर स्टेटस पाहता येत नसल्याची तक्रार केली आहे.

केवळ भारतीय रेल्वेच्या वेबसाइटवरच नव्हे तर रेल्वेच्या अन्य वेबसाइटवर देखील पीएनआर स्टेटस पाहता येत नसल्याने प्रवाशांनी सोशल मीडियावरून नाराजी व्यक्त केली आहे. या गोंधळामुळे वेटिंग लिस्टवर असलेल्या प्रवाशांना प्रवाशाचे नियोजन करण्यात देखील अडचणी येत आहेत. अनेक प्रवाशांनी रेल्वे प्रशासनाला ही सेवा लवकरात लवकर सुरू करण्याची विनंती टि्वटरवरून केली आहे.

दरम्यान, रेल्वे मंत्रालयाने आपल्या अधिकृत टि्वटरवरून १३९ या क्रमांकावर फोनकरून पीएनआर स्टेटस जाणून घेऊ शकता असे टि्ट केला आहे.