'फ्रान्समधील हल्ले योग्यच, हत्यांसाठी भाग पाडू नका'

लखनऊः फ्रान्समध्ये दहशतवाद्यांनी निष्पाप नागरिकांच्या केलेल्या हत्येबाबत प्रसिद्ध शायर मुनव्वर राणा यांनी आपलं मत व्यक्त केलं आहे. राणा यांनी आपल्या वक्तव्यातून हल्ला करणाऱ्यांचा बचाव केला.

एखादा धर्म आईसारखा आहे, आणि कोणी तुमच्या आईचे, किंवा धर्माबाबत वाईट व्यंगचित्र बनवत असेल किंवा त्या माध्यमातून शिवीगाळ करत असेल तर संताप निर्माण करून असं करण्यास भाग पाडलं जातंय, असं मुनव्वर राणा म्हणाले. त्याचबरोबर दहशतवादाविरोधात भारत फ्रान्ससोबत असल्याचं पंतप्रधान मोदी म्हणाले. त्यावरही राण यांनी मत व्यक्त केला. राफेल लढाऊ विमानासाठी पंतप्रधान मोदी असं बोलत आहेत, असं राणा म्हणाले.

मुस्लिमांना डिवचण्यासाठी असे व्यंगचित्र बनवण्यात आले होते. जगात हजारो वर्षांपासून ऑनर किलिंग सुरू आहे. अखलाक प्रकरणात काय घडले? पण त्यावेळी कोणालाही वेदना झाली नाही. कोणालाही इतकं चिथावू नका की ते हत्या किंवा हल्ले करण्यास भाग पडतील, असं मनुव्वर राणा म्हणाले.

फ्रान्समधील दहशतवादी हल्ल्यांचा पंतप्रधान मोदींनी निषेध केला आहे. दहशतवादाविरूद्धच्या लढाईत भारत फ्रान्सबरोबर नेहमीच उभा आहे, असं मोदींनी ट्विट केलं होतं. दहशतवाद्यांच्या हल्ल्यात ठार झालेल्या कुटुंबीयांबद्दल आणि फ्रान्समधील नागरिकांबद्दल आमच्या संवदेना आहेत, असं मोदी म्हणाले.

जवानांच्या हौतात्म्यावर घाणेरडे राजकारण; मोदींचे विरोधी पक्षांवर टीकेचे प्रहार

इंदिरांच्या पुण्यतिथीदिनी प्रियांकांमध्ये दिसली त्यांची झलक; दिग्विजय ट्रोल

काही जण दहशतवादाचे खुले समर्थन करत आहेत. शेजारच्या देशातील (पाकिस्तान ) संसदेत ज्या पद्धतीने दहशतवादाचे सत्य स्वीकारलं गेलं आहे, यावरून त्या देशाचा खरा चेहरा समोर आला आहे, असं पंतप्रधान मोदी म्हणाले. गुजरातच्या केवडियामध्ये एकता दिनानिमित्त पंतप्रधान नरेंद्र मोदी बोलत होते. गुजरातच्या केवडियामध्ये एकता दिनानिमित्त पंतप्रधान नरेंद्र मोदी यांनी फ्रान्समधील दहशतवादी हल्ल्यांच्या पार्श्वभूमीवर ते बोलत होते.