खोलीत तरुण-तरुणी, मोबाईलमध्ये सापडले धक्कादायक फोटो; मसाज पार्लरमध्ये जाताच पोलिसही हादरले

इंदूर : मध्य प्रदेशातील इंदूरमध्ये मसाज पार्लरच्या नावाखाली अनैतिक धंदे सुरू असल्याची माहिती समोर आली आहे. इथे भंवरकुआन पोलिसांना मिळालेल्या माहितीवरून छापा टाकून तीन महिला आणि एका तरुणीला अटक करण्यात आली तर छाप्यादरम्यान इतर लोक तेथून पळून गेले. पोलीस फरार लोकांचा शोध घेत असून पुढील प्रकरणाची चौकशी करण्यात येत आहे.

पोलिसांनी दिलेल्या माहितीनुसार, परिसरात मसाज पार्लरच्या नावाखाली अनैतिक कृत्ये होत असल्याची माहिती मिळाली होती. माहितीच्या आधारे भंवरकुवान पोलिसांनी परिसरातील एका मसाज पार्लरवर छापा टाकला. यादरम्यान मसाज पार्लरमधून तीन मुली आणि एका तरुणाला अटक करण्यात आली. त्यांची चौकशी केली जात आहे.

ना वाघांप्रमाणे डरकाळी, ना सिंहांसारखी गर्जना; चित्त्यांचा आवाज ऐकलात का? पाहा VIDEO
पोलिसांचे म्हणणे आहे की, मसाज पार्लरवर छापा टाकला तेव्हा एका खोलीत एक तरुण आणि एक तरुणी आक्षेपार्ह अवस्थेत आढळून आले. छाप्यादरम्यान, मसाज पार्लर ऑपरेटर विजय कुमार फरार झाला. ज्याचा शोध सध्या पोलिसांकडून घेण्यात येत आहे.

या प्रकरणात पोलिसांनी आरोपांविरूद्ध अनैतिक व्यापार कायद्यान्वये गुन्हा दाखल केला आहे. मुख्य आरोपी विजय परमार याचा शोध सुरू आहे. तपासात हे अनैतिक काम व्हॉट्सअॅपच्या माध्यमातून होत असल्याचेही समोर आली आहे. दरम्यान, या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.