इंग्रजी बोलणारी पोस्टग्रॅज्युएट पाकिटमार ताब्यात

मटा ऑनलाइन वृत्त । हावडा

कोलकत्ताच्या हावडामध्ये बुधवारी रात्री पोलिसांनी इंग्रजी बोलणाऱ्या एका पाकिटमार महिलेला ताब्यात घेतले आहे. पोलिसांनी चौकशी केली असता महिलेचं नाव अंजली रॉय असल्याचं समजलं आहे. ही पाकिटमार महिला बेरोजगार असली तरी पोस्टग्रॅज्युएट असून तिने चौकशीदरम्यान आपला गुन्हा कबूल केला आहे.

नवऱ्यापासून वेगळी झाल्यानंतर उदर्निवाहासाठी कोणतेही साधन नव्हते. पोस्टग्रॅज्युएट असून देखील नोकरी नसल्यानं आपण पाकिटमारी करत असल्याचं अंजलीने सांगितलं. अंजलीने मुक्त विद्यापिठातून एम . ए. केलं आहे.

सेरमपुर-कुलगछिया रोडवरील बसमध्ये अंजलीने एका महिलेचं पॉकेट मारलं. पाकिटात पाच हजार रूपये असल्यानं त्या महिलेनं आरडाओरडा करून अंजलीला पकडल. यात अंजली आणि तिची मैत्रीण पुजा या दोघीं मिळून पाकिटमारायचं काम करत असल्याचं समोर आलं आहे.