उन्नावपेक्षा वाईट करू; बलात्कार पीडितेला धमकी

बागपत (उत्तर प्रदेश): उन्नाव बलात्कार पीडितेचा जिवंत जाळून त्यात पीडितेचा मृत्यू झाल्यानंतर देशभरात तीव्र संतापाची लाट उसळलेली असतानाही यूपीमधील महिलांवरील अत्याचार थांबत असल्याचे दिसत नाही. उलट, गुन्हेगार निर्भयपणे फिरुन पीडितेला धमकावण्याच्या घटना पुढे येत आहेत. उत्तर प्रदेशातील बागपतमध्ये अशीच संतापजनक घटना समोर आली असून, आरोपींनी बलात्कार पीडितेच्या घराबाहेर पोस्टर चिकटवून तिला धमकावले आहे. तुला उन्नावपेक्षा वाईट परिणाम भोगावे लागतील अशी थेट धमकी पीडितेला देण्यात आली आहे. पीडितेच्या तक्रारीवरून पोलिसांनी आरोपीला अटक केली असून पीडित मुलीला संरक्षण पुरवले आहे.

दूषित हवेमुळे लोक मरताहेत, मग फाशी कशाला?; बलात्काऱ्याचा सवाल

जर तू न्यायालयात साक्ष दिली तर त्याचे परिणाम खूप वाईट होतील. त्याचे परिणाम उन्नावपेक्षा वाईट असू शकतात, असा मजकूर या पोस्टरमध्ये लिहिण्यात आला आहे. या प्रकरणातील आरोपीचे नाव सोहराणसिंग असे असून त्याला अटक करण्यात आल्याचे बागपतच्या पोलीस अधीक्षकांनी माहिती देताना सांगितले. हे प्रकरण गेल्या वर्षीच्या जुलै महिन्यातील असून आरोपींनी दिल्लीत बागपतपासून ५३ किमी अंतरावर पीडित मुलीवर बलात्कार केला. यानंतर आरोपीला पोलिसांनी अटक केली आणि तुरुंगात पाठविले. पण नंतर त्याला जामीन मिळाला. आरोपी व पीडित एकाच गावातले आहेत. जामीन मिळाल्यानंतर आरोपी गावात मोकाट फिरत होता.


गर्भवती मुलीला जाळण्याचा प्रयत्न, गुन्हा दाखल

पीडिताला दिले संरक्षण

पोलिसांनी दिलेल्या माहितीनुसार, पीडितेचे वडील दिल्ली येथे ट्रक चालवतात. जेव्हा ते कामावरून घरी आले तेव्हा त्यांना आपल्या घराच्या भिंतीवर पोस्टर आढळले. त्याच गंभीर धमकी दिल्याचे पाहून ते घाबरले. त्यांनी तातडीने पोलिसांना कळविले. त्यानंतर कारवाई करत पोलिसांनी आरोपीला अटक करून पीडितेला संरक्षण पुरवले. गेल्या वर्षी जुलैमध्ये पीडित मुलीने तिच्यावर दिल्लीच्या मुखर्जी नगरमध्ये बलात्कार झाल्याची तक्रार नोंदवली होती.

भारताचा प्रवास 'मेक इन इंडिया' ते 'रेप इन इंडिया': अधीर रंजन चौधरी

दिल्लीतील मुखर्जी नगरात झाला केला बलात्कार

बलात्कारानंतर दिल्ली पोलिसांनी आरोपीला अटक केली. गेल्या वर्षी जुलैमध्ये आरोपी सोहराण सिंग पीडित मुलीला त्याच्या मित्राच्या घरी घेऊन गेला आणि तिथे मद्यपान करून, तसेच ड्रग्ज घेऊन त्याने तिच्यावर बलात्कार केला. आरोपीने व्हिडिओ बनवून पीडितेला ब्लॅकमेल केले आणि पुन्हा तिच्यावर बलात्कार केला, अशी माहिती एका वरिष्ठ पोलीस अधिकाऱ्याने दिली.