prashant kishor : 'मोदी सरकारचा आणखी एक मास्टरस्ट्रोक, निव्वळ आश्वासनं, मदत नाही' प्रशांत किशोरांची टीका

पाटणाः राजकीय रणनीतीकार प्रशांत किशोर ( prashant kishor ) यांनी केंद्र सरकारच्या धोरणांवर जाहीरपणे टीका केली आहे. करोनाने अनाथ झालेल्या मुलांसांठी सरकार राबवत असलेल्या योजनेवरून त्यांनी निशाणा साधला. मोदी सरकारकडून आणखी एक मास्टरस्ट्रोक. करोना आणि त्याच्या व्यवस्थापनात ढिसाळ नियोजनाने अनाथ झालेल्या मुलांना सहानुभूती ( pm cares fund ) दाखवली जात आहे. पण मुलांना यावेळी अधिक मदतीची गरज असताना त्यांना १८ व्या वर्षी स्टायपेंड देण्याचं आश्वासन देत आहे. पण त्यांना याबाबत सकारात्मक वाटेल का? असा प्रश्न किशोर यांनी केला आहे.

मोफत शिक्षणासाठी पीएम केअरचे आभारी आहोत. ५० कोटी भारतीयांच्या आरोग्य संबंधी गरजा पूर्ण करण्यासाठी आयुषमान भारत योजनेत आपली नोंदणी केलेली, याबद्दल आपल्याला पीएमओचे धन्यवाद. पण वेळेवर ऑक्सिजन आणि बेड उपलब्ध करून देण्यात सरकार अपयशी ठरले, अशी टीका त्यांनी केली.

rapti river viral video : नदीत करोना रुग्णाचा मृतदेह फेकतानाचा व्हिडिओ व्हायरल, प्रशासन हादरले

करोनाने अनाथ झालेल्या मुलांसाठी केंद्र सरकारने काही योजनांची घोषणा केली आहे. यानुसार अनाथ मुलांना १८ व्या वर्षी मासिक आर्थिक मदत आणि २३ वर्षी पीएम केअर्स फंडातून १० लाख रुपये मिळतील. 'मुलं देशाचे भवितव्य आहेत. सरकार त्यांना मदत आणि त्यांचे संसक्षण करून सर्व सहकार्य करेल. ते चांगले नागरिक होतील आणि त्यांचे भवितव्य उज्ज्वल असेल', असं पंतप्रधान मोदी म्हणाले.

covid vaccine : फाइव्ह स्टार हॉटेल्समधील लसीकरण तात्काळ बंद करा, केंद्र सरकारचे आदेश