अ‍ॅपशहर

'पहिला आदिमानव दक्षिण भारताच्या मार्गे आला'

हजारो वर्षांपूर्वी भारतीय महाखंडात येणारा पहिला आदिमानव दक्षिण भारताच्या मार्गे आला होता. तामिळनाडूतील संस्कृती आणि पुरातत्व विभागाचे मंत्री के. पांडिराजन यांनी ही माहिती दिली. गेली चार वर्षे सुरू असलेल्या उत्खननाच्या वेळी या विधानाला बळकटी देणारे पुरावे मिळाले आहेत.

महाराष्ट्र टाइम्स.कॉम 16 Jul 2019, 10:44 pm
चेन्नई:
महाराष्ट्र टाइम्स.कॉम south-india


हजारो वर्षांपूर्वी भारतीय महाखंडात येणारा पहिला आदिमानव दक्षिण भारताच्या मार्गे आला होता. तामिळनाडूतील संस्कृती आणि पुरातत्व विभागाचे मंत्री के. पांडिराजन यांनी ही माहिती दिली. गेली चार वर्षे सुरू असलेल्या उत्खननाच्या वेळी या विधानाला बळकटी देणारे पुरावे मिळाले आहेत.

तिरुवल्लुर जिल्ह्यातील अत्तिरामपक्कम येथे पाषाणयुगातील हत्यारे सापडली. ही हत्यारे ३ लाख ७५ हजार ते १ लाख ७५ हजार वर्षे प्राचीन आहेत, अशी माहिती पांडिराजन यांनी दिली. ते म्हणाले, '२०१५ साली हे उत्खनन सुरू झाले. चार टप्प्यांमध्ये हे उत्खनन करण्यात आले. पुरातत्ववेत्ता डॉ. शांति पप्पू यांच्या नेतृत्वाखाली शर्मा हेरिटेज एज्युकेशन सेंटरची या कामी मदत घेण्यात आली.'

सोमवारी विधानसभेत या उत्खननाबाबत पांडिराजन यांनी माहिती देताना सांगितले, 'अलीकडेच शिकागो येथे झालेल्या जागतिक तामीळ संमेलनादरम्यान संशोधकांनी सांगितले की अत्तिरामपक्कममध्ये मिळालेली हत्यारे ३ लाख ७५ हजार वर्षांहूनही अधिक जुनी आहेत. या संपूर्ण उत्खनन साइटमध्ये तत्कालीन वसलेल्या शहरातल्या ज्या योजना दिसल्या त्या सिंधू संस्कृतीच्याही आधीच्या आहेत.'

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज