नवी दिल्ली:
राफेल विमान खरेदी व्यवहारात घोटाळा झाल्याचा आरोप करत केंद्रातील भाजप सरकारवर टीकेची झोड उठवणारे काँग्रेस अध्यक्ष राहुल गांधी आणि यूपीएच्या अध्यक्षा सोनिया गांधी यांच्यावर पंतप्रधान नरेंद्र मोदी यांनी टीकास्त्र सोडलं आहे. देशावर ४ पिढ्यांपासून राज्य करणारे आणि स्वतःला या देशाचं प्रथम कुटुंब समजणारे आर्थिक गैरव्यवहारांच्या प्रकरणांमध्ये जामिनावर बाहेर आहेत, अशी टीका त्यांनी केली. पंतप्रधान नरेंद्र मोदींनी नववर्षाच्या पहिल्याच दिवशी एएनआय या वृत्तसंस्थेला मुलाखत दिली. या मुलाखतीत त्यांनी विविध मुद्द्यांवर भाष्य केलं. यावेळी त्यांनी गांधी कुटुंबावरही निशाणा साधला. अनेक आर्थिक गैरव्यवहारांत अडकलेले लोक जामिनावर आहेत. त्यांचं बाहेर असणं हीच मोठी गोष्ट आहे. काही लोक नेहरू-गांधी कुटुंबाच्या सेवेत आहेत आणि ते या गैरव्यवहारांसंबंधी माहिती उजेडात आणू देत नाहीत, असा आरोपही त्यांनी केला.
राफेल विमान खरेदी व्यवहारात घोटाळा झाल्याचा आरोप करत केंद्रातील भाजप सरकारवर टीकेची झोड उठवणारे काँग्रेस अध्यक्ष राहुल गांधी आणि यूपीएच्या अध्यक्षा सोनिया गांधी यांच्यावर पंतप्रधान नरेंद्र मोदी यांनी टीकास्त्र सोडलं आहे. देशावर ४ पिढ्यांपासून राज्य करणारे आणि स्वतःला या देशाचं प्रथम कुटुंब समजणारे आर्थिक गैरव्यवहारांच्या प्रकरणांमध्ये जामिनावर बाहेर आहेत, अशी टीका त्यांनी केली.