गलवान खोऱ्यातील जखमी जवानांशी पंतप्रधानांचा थेट संवाद

लेह : पंतप्रधान नरेंद्र मोदी (Prime Minister Narendra Modi) आज सकाळीच लेह दौऱ्यावर दाखल झाले आहेत. शुक्रवारी दुपारी त्यांनी १५ जून रोजी गलवान खोऱ्यात चिनी सैनिकांसोबत झालेल्या हिंसक हाणामारी (Galwan Valley Clash) जखमी झालेल्या जवानांचीही भेट घेतली. लेहमधील एका रुग्णालयात या जवानांवर उपचार सुरू आहेत.


रुग्णालयात उपचार घेत असलेल्या या जवानांना पंतप्रधान मोदींनी संबोधित केलं. यावेळी, 'आपल्यासोबत आज नाहीत ते खूपच शूर होते. त्यांनी योग्य प्रत्यूत्तर दिलं. तुमचं रक्त नेहमीच तरुणांना प्रेरणा देत राहील' असं म्हणत पंतप्रधान मोदींनी या जवानांचं मनोबळ वाढवण्याचा प्रयत्न केला. 'तुमच्यासारख्या जवानांमुळेच आपला देश आत्तापर्यंत कुणासमोर झुकलेला नाही आणि यापुढेही झुकणार नाही', असंही पंतप्रधानांनी जवानांना उद्देशून म्हटलं.

वाचा :भारत-चीन तणाव; सर्जिकल स्ट्राइक करणाऱ्या स्पेशल फोर्सेस लडाखमध्ये तैनात
वाचा :पंतप्रधान मोदी अचानक लडाखला पोहोचले, CDS बिपिन रावतही उपस्थित



'जवानांना शत्-शत्-प्रणाम'

रुग्णालयात जवानांना संबोधताना पंतप्रधान मोदी म्हणाले, 'मी तुम्हाला प्रणाम करतो. तुम्हाला जन्म देणाऱ्या मातांनाही शत्-शत् नमन करतो, ज्यांना तुमचं पालन-पोषण केलं आणि देशाला अर्पण केलं. जगातील कोणत्याही शक्तीसमोर आपण कधीही झुकलेलो नाहीत आणि झुकणारही नाही, हे मी बोलू शकतोय त्याचं कारण फक्त तुमच्यासारखे वीर पराक्रमी सहकारी आहेत. १३० कोटी देशवासियांना तुमच्या प्रती अभिमानाची भावना आहे. तुमचं हे साहस आणि शौर्य आपल्या पुढच्या अनेक पिढ्यांना प्रेरणा देत राहील. तुम्ही जे रक्त सांडलंय ते आपल्या तरुण पीढीला आणि देशवासियांना भविष्यात दीर्घकाळापर्यंत प्रेरणा देत राहील'

वाचा : india-china clash: पंतप्रधान मोदींनी चीनला लडाखमधून खडे बोल सुनावले; म्हणाले...
वाचा : फोटोफीचर: पंतप्रधान मोदींचे हे ५ मुद्दे चीनला टोचले असणार



शुक्रवारी सकाळी संरक्षणप्रमुख जनरल बिपिन रावत यांच्यासोबत पंतप्रधान नरेंद्री मोदी लेहच्या दौऱ्यावर दाखल झाले. लेहमधील नीमूतील सैनिक तळाला भेट देत त्यांनी जवानांशी थेट संवाद साधला. यावेळी, भारतीय जवानांचं कौतक करताना पंतप्रधान मोदींनी चीनला खडे बोल सुनावले. 'आज विस्तारवादाचे युग संपले असून आता विकासवादाचे युग आले आहे' अशा शब्दांत त्यांनी अप्रत्यक्षरित्या चीनला सूचक इशारा दिला. महत्त्वाचं म्हणजे, यावेळी पंतप्रधान नरेंद्र मोदींनी चीनचा उल्लेख आपल्या भाषणात केला नाही.

वाचा :LAC रक्षणासाठी भारत वचनबद्ध; मोदींचा चीनला कडक संदेशवाचा : पंतप्रधान मोदींच्या अचानक लेह दौऱ्याबद्दल गृहमंत्री शहा म्हणतात...