छत्रपती शिवाजी महाराजांसारखी असेल मोदींची सुरक्षा, वाचा कसे पॉवरफुल होणार पंतप्रधान!

बेंगळुरू: भारताचे पंतप्रधान नरेंद्र मोदी (Narendra Modi) यांना उच्च दर्जाची सुरक्षा दिली जाते. या सुरक्षेमध्ये आता देशी जातीच्या श्वानांचा देखील समावेश होणार आहे. कर्नाटकमधील मुधोल हाउंड (Mudhol Hound Dogs) जातीच्या श्वानांचा समावेश आता पंतप्रधानांच्या स्पेशल प्रॉटेक्शन ग्रुप (SPG)च्या ट्रेनिंगसाठी केला गेलाय.

देशाच्या पंतप्रधानांना दिला जाणारी सुरक्षा सर्वात मजबूत असते. यासाठी प्रत्येक वर्षी कोट्यवधी रुपये खर्च केले जातात. यासाठी SPG मधील जवान २४ तास तैनात असतात. लष्करातील जवान आणि पोलिसांसह यात काही प्रशिक्षित श्वान देखील असतात.

वाचा- दक्षिण भारतात भाजपची मास्टर स्क्रिप्ट; निवडणुकीच्या आधी सुपरस्टार गृहमंत्र्यांच्या भेटीला

पंतप्रधान मोदींच्या सुरक्षा पथकात देशी जातीच्या मुधोल हाउंड यांचा लवकर समावेश केला जाणार आहे. हे श्वान सध्या भारतीय वायु सेना आणि अन्य सरकारी विभागात सेवा देत आहेत. पंतप्रधानांच्या सुरक्षा व्यवस्थेत मुधोल हाउंडचा समावेश करण्याची ही पहिलीच वेळ आहे. यासंदर्भातील निर्णय नुकताच झाला असून चार महिन्यांच्या कठोर ट्रेनिंगनंतर त्यांचा समावेश SPG मध्ये केला जाणार आहे.

मोदींनी केलं होतं कौतुक

स्वत: पंतप्रधान नरेंद्र मोदी यांनी 'मन की बात' या कार्यक्रमात या श्वानांचे कौतुक केले होते. त्यानंतर हे श्वान चर्चेत आले होते. एसपीजीचे पथक एप्रिल महिन्यात मुधोल येथील कॅनाइन रिसर्च अन्ड इंफर्मेशन सेंटरमध्ये गेले होते. त्यांनी या सेंटरमधील दोन मुधोल हाउंड जातीच्या श्वानांची निवड केली.

वाचा- 'आप'ला फोडण्यासाठी भाजपकडून ऑफर; चौकशीच्या फेऱ्यात अडकलेल्या मनीष सिसोदियांचा मोठा दावा

याआधी देखील सेवेत

सुरक्षा दलाचे लक्ष वेधून घेण्याची मुधोल हाउंडची ही पहिली वेळ नाही. याआधी फेब्रुवारी २०१६ मध्ये या श्वानांचा लष्कराच्या ट्रेनिंग सेंटरमध्ये समावेश करुन घेतला होता. हवाई दल, पॅरामिलिट्री, डीआयडीओ, राज्य पोलिस दर आणि वन विभागाने यांची सेवा घेतली आहे. या शिवाय बांदीपूर टायगर रिझव्हमध्ये स्पेशर टायगर प्रॉटेक्शन फोर्समध्ये वाघांच्या सुरक्षेसाठी मुधोल हाउंडना तैनात करण्यात आले होते.

काय आहे खास

-लांब बाय आणि उत्तम शारिरीक बांधणीमुळे सुरक्षा दलाची पसंती

-वेगवान नजरमुळे त्यांना साइट हाउंड देखील म्हटले जाते. ते २७० डिग्रीपर्यंत पाहू शकतात.

-अन्य देशी श्वानांपेक्षा यांची वास घेण्याची क्षमता अधिक

-अन्य श्वानांच्या तुलनेत हे कमी थकतात आणि आजारी पडतात

-कोणत्याही हवामानात काम करण्याची क्षमता, यांचे शरीर हवामानानुसार स्वत:मध्ये बदल करून घेते

-अन्य देशी श्वानांपेक्षा अधिक शौर्य आणि प्रामाणीक