वृत्तसंस्था, भोपाळ
शेकडो साधूंनी मंगळवारी काँग्रेसचे उमेदवार दिग्विजयसिंह यांच्यासाठी प्रचारफेरी आयोजित केली होती. भाजपच्या उमेदवार प्रज्ञासिंह ठाकूर यांना मतदान करू नये, असे आवाहन साधूसंतांनी केले. नामदेव त्यागी उर्फ कम्प्युटर बाबा यांनी या प्रचाराचे नेतृत्व केले. भोपाळमध्ये तीन दिवस ते दिग्विजय यांच्या बाजूने प्रचार करणार आहेत. 'भाजप सरकार पाच वर्षांमध्ये राममंदिर करू शकले नाहीत. आता राममंदिर नाही, तर मोदी नाही,' असे या वेळी कम्प्युटर बाबा म्हणाले. साधूंमध्ये बडे प्रस्थ असलेले कम्प्युटर बाबा यांची नदीसंवर्धन ट्रस्टचे प्रमुख म्हणून काँग्रेस सरकारने नियुक्ती केली आहे. त्यागी या वेळी म्हणाले, 'भाजपने नागरिकांना मूर्ख बनवले आहे. मंदिराचे फक्त आश्वासन देण्यात आले. प्रत्यक्षात काहीही घडले नाही. मोदी आणि त्यांच्या सरकारने हिंदूंचा अपमान केला आहे.' भगवे वस्त्र परिधान केले म्हणजे कोणी साध्वी होत नाही, असा टोला त्यांनी लगावला. दिग्विजयसिंह लाखो मतांच्या फरकांनी निवडून येतील, असा विश्वासही त्यांनी व्यक्त केला.
शेकडो साधूंनी मंगळवारी काँग्रेसचे उमेदवार दिग्विजयसिंह यांच्यासाठी प्रचारफेरी आयोजित केली होती. भाजपच्या उमेदवार प्रज्ञासिंह ठाकूर यांना मतदान करू नये, असे आवाहन साधूसंतांनी केले. नामदेव त्यागी उर्फ कम्प्युटर बाबा यांनी या प्रचाराचे नेतृत्व केले. भोपाळमध्ये तीन दिवस ते दिग्विजय यांच्या बाजूने प्रचार करणार आहेत. 'भाजप सरकार पाच वर्षांमध्ये राममंदिर करू शकले नाहीत. आता राममंदिर नाही, तर मोदी नाही,' असे या वेळी कम्प्युटर बाबा म्हणाले. साधूंमध्ये बडे प्रस्थ असलेले कम्प्युटर बाबा यांची नदीसंवर्धन ट्रस्टचे प्रमुख म्हणून काँग्रेस सरकारने नियुक्ती केली आहे. त्यागी या वेळी म्हणाले, 'भाजपने नागरिकांना मूर्ख बनवले आहे. मंदिराचे फक्त आश्वासन देण्यात आले. प्रत्यक्षात काहीही घडले नाही. मोदी आणि त्यांच्या सरकारने हिंदूंचा अपमान केला आहे.' भगवे वस्त्र परिधान केले म्हणजे कोणी साध्वी होत नाही, असा टोला त्यांनी लगावला. दिग्विजयसिंह लाखो मतांच्या फरकांनी निवडून येतील, असा विश्वासही त्यांनी व्यक्त केला.