नवी दिल्ली: केंद्रीय राखीव सुरक्षा बल (सीआरपीएफ) जवानांवर पुलवामा येथे झालेल्या भीषण हल्ल्यानंतर जवानांच्या छिन्नविछिन्न अवयवांची चुकीची छायाचित्रे व्हायरल होत आहेत. यामुळे शहिदांचा अपमान होत असल्याने अशी छायाचित्रे आणि पोस्ट शेअर करू नका असे आवाहन सीआरपीएफने नागरिकांना केले आहे. याव्यतिरिक्त सीआरपीएफने काश्मीरी विद्यार्थ्यांच्या बाबतीतही एक अॅडव्हायजरी जारी केली आहे.
सीआरपीएफने जारी केलेल्या अॅडव्हायजरीत असे म्हटले आहे की - पुलवामातील दहशतवादी हल्ल्यानंतर सोशल मीडियावर जवानांच्या छिन्नविछिन्न अवयवांची बनावट छायाचित्रे व्हायरल होत आहेत. समाजकंटकांकडून अशा पद्धतीची शहिदांचा अपमान करणारी छायाचित्रे व्हायरल केली जात असतील तर आपण एकत्र येऊन ही समाजविघातक कृती रोखली पाहिजे. कृपया अशी छायचित्रे आणि पोस्ट फॉरवर्ड, शेअर, लाइक करू नका. अशी कोणतीही बाब तुमच्या निदर्शनास आली तर webpro@crpf.gov.in या संकेतस्थळावर कळवा.
काश्मीरी विद्यार्थ्यांच्या छळाच्या खोट्या बातम्या
'सोशल मीडियावर काश्मीरी विद्यार्थ्यांच्या छळणूकीबाबतच्या खोट्या बातम्या पसरवल्या जात आहेत. सीआरपीएफ हेल्पलाइनने अशा छळणुकीच्या तक्रारींची चौकशी केली आणि सत्य पडताळून पाहिले असता या बातम्या खोट्या असल्याचे आढळून आले आहे. कृपया अशा द्वेष पसरवणाऱ्या बातम्या, पोस्ट फॉरवर्ड, शेअर करू नका,' असे आवाहनदेखील सीआरपीएफने केले आहे.
सीआरपीएफने जारी केलेल्या अॅडव्हायजरीत असे म्हटले आहे की - पुलवामातील दहशतवादी हल्ल्यानंतर सोशल मीडियावर जवानांच्या छिन्नविछिन्न अवयवांची बनावट छायाचित्रे व्हायरल होत आहेत. समाजकंटकांकडून अशा पद्धतीची शहिदांचा अपमान करणारी छायाचित्रे व्हायरल केली जात असतील तर आपण एकत्र येऊन ही समाजविघातक कृती रोखली पाहिजे. कृपया अशी छायचित्रे आणि पोस्ट फॉरवर्ड, शेअर, लाइक करू नका. अशी कोणतीही बाब तुमच्या निदर्शनास आली तर webpro@crpf.gov.in या संकेतस्थळावर कळवा.
काश्मीरी विद्यार्थ्यांच्या छळाच्या खोट्या बातम्या
'सोशल मीडियावर काश्मीरी विद्यार्थ्यांच्या छळणूकीबाबतच्या खोट्या बातम्या पसरवल्या जात आहेत. सीआरपीएफ हेल्पलाइनने अशा छळणुकीच्या तक्रारींची चौकशी केली आणि सत्य पडताळून पाहिले असता या बातम्या खोट्या असल्याचे आढळून आले आहे. कृपया अशा द्वेष पसरवणाऱ्या बातम्या, पोस्ट फॉरवर्ड, शेअर करू नका,' असे आवाहनदेखील सीआरपीएफने केले आहे.