नवी दिल्ली :
पुलवामा येथे सीआरपीएफच्या ताफ्यावर झालेल्या हल्ल्यानंतर भारत राजकीय आणि कुटनितीच्या स्तरावर पाकिस्तानला जगाच्या पातळीवर एकटं पाडण्याचे प्रयत्न करत आहे. याव्यतिरिक्त पाकिस्तानी अर्थव्यवस्था कमकुवत करण्याचे प्रयत्न भारत करत आहे. पुलवामा हल्ल्यात पाकिस्तान स्थित जैश-ए-मोहम्मदचा सहभाग समोर आल्यानंतर भारताने पाकिस्तानला दिलेला 'मोस्ट फेवर्ड नेशन'चा दर्जा काढून घेतला. या व्यतिरिक्त पाकिस्तानातून आयात होणाऱ्या वस्तूंवरील सीमाशुल्क वाढवून २०० टक्के करण्यात आलं आहे.
पाकिस्तानच्या अर्थव्यवस्थेला जगात ब्लॅकलिस्ट करण्याचे प्रयत्न भारत करत आहे. जगभरात अतिरेक्यांना पुरवली जाणारी आर्थिक रसद आणि मनी लाँडरिंगच्या विरोधात काम करणारी संस्था फायनान्शिअल टास्क फोर्सकडे (एफएटीएफ) भारत पाकिस्तानला बहिष्कृत (ब्लॅकलिस्ट) करण्याची मागणी करणार आहे. एफएटीएफने गेल्यावर्षी जुलै महिन्यात पाकिस्तानचे नाव ग्रे लिस्टमध्ये समाविष्ट केले आहे. शिवाय पाकिस्तानने आपल्या कुरापती थांबवल्या नाहीत तर त्याला ब्लॅकलिस्ट केले जाईल असा इशाराही दिला होता.
एफएटीएफची वार्षिक बैठक पुढील आठवड्यात पॅरिस येथे होणार आहे. या बैठकीत भारताच्या मागणीवर विचार होऊन पाकिस्तानला ब्लॅकलिस्ट केले जाऊ शकते. तूर्त या ब्लॅकलिस्टमध्ये इराण आणि उत्तर कोरियाचा समावेश आहे. पाकिस्तानचं नाव या यादीत आल्यानंतर त्याला जागतिक बँक, आंतरराष्ट्रीय नाणेनिधी, एडीबी, युरोपियन युनियनसारख्या आंतरराष्ट्रीय संस्थांकडून कर्ज मिळणं कठीण होईल.
पुलवामा येथे सीआरपीएफच्या ताफ्यावर झालेल्या हल्ल्यानंतर भारत राजकीय आणि कुटनितीच्या स्तरावर पाकिस्तानला जगाच्या पातळीवर एकटं पाडण्याचे प्रयत्न करत आहे. याव्यतिरिक्त पाकिस्तानी अर्थव्यवस्था कमकुवत करण्याचे प्रयत्न भारत करत आहे. पुलवामा हल्ल्यात पाकिस्तान स्थित जैश-ए-मोहम्मदचा सहभाग समोर आल्यानंतर भारताने पाकिस्तानला दिलेला 'मोस्ट फेवर्ड नेशन'चा दर्जा काढून घेतला. या व्यतिरिक्त पाकिस्तानातून आयात होणाऱ्या वस्तूंवरील सीमाशुल्क वाढवून २०० टक्के करण्यात आलं आहे.
पाकिस्तानच्या अर्थव्यवस्थेला जगात ब्लॅकलिस्ट करण्याचे प्रयत्न भारत करत आहे. जगभरात अतिरेक्यांना पुरवली जाणारी आर्थिक रसद आणि मनी लाँडरिंगच्या विरोधात काम करणारी संस्था फायनान्शिअल टास्क फोर्सकडे (एफएटीएफ) भारत पाकिस्तानला बहिष्कृत (ब्लॅकलिस्ट) करण्याची मागणी करणार आहे. एफएटीएफने गेल्यावर्षी जुलै महिन्यात पाकिस्तानचे नाव ग्रे लिस्टमध्ये समाविष्ट केले आहे. शिवाय पाकिस्तानने आपल्या कुरापती थांबवल्या नाहीत तर त्याला ब्लॅकलिस्ट केले जाईल असा इशाराही दिला होता.
एफएटीएफची वार्षिक बैठक पुढील आठवड्यात पॅरिस येथे होणार आहे. या बैठकीत भारताच्या मागणीवर विचार होऊन पाकिस्तानला ब्लॅकलिस्ट केले जाऊ शकते. तूर्त या ब्लॅकलिस्टमध्ये इराण आणि उत्तर कोरियाचा समावेश आहे. पाकिस्तानचं नाव या यादीत आल्यानंतर त्याला जागतिक बँक, आंतरराष्ट्रीय नाणेनिधी, एडीबी, युरोपियन युनियनसारख्या आंतरराष्ट्रीय संस्थांकडून कर्ज मिळणं कठीण होईल.