channi sidhu : सिद्धूंपुढे झुकले पंजाबचे मुख्यमंत्री! अखेर देओल यांचा राजीनामा स्वीकारला

चंदिगडः पंजाबचे मुख्यमंत्री चरणजीत सिंग चन्नी यांनी काँग्रेस प्रदेशाध्यक्ष नवज्योत सिंग सिद्धू यांची मागणी अखेर मान्य केली आहे. त्यांनी राज्याच्या अॅडव्होकेट जनरलपदावरून (महाधिवक्ता ) एपीएस देओल यांना हटवले आहे. मुख्यमंत्री चन्नी यांनी देओल यांचा राजीनामा स्वीकार केला आहे. मुख्यमंत्री चन्नी यांनी आज संध्याकाळी पत्रकार परिषदेत ही माहिती दिली. पंजाब कॅबिनेटने अॅडव्होकेट जनरल एपीएस देओल यांचा राजीनामा स्वीकारला आहे, असं मुख्यमंत्री चन्नी यांनी सांगतिलं. यावेळी नवज्योत सिंग सिद्धू त्यांच्यासोबतच बसलेले होते.

एपीएस देओल यांनी १ नोव्हेंबरला पदाचा राजीनामा दिला होता. पण मुख्यमंत्री चन्नी यांनी सुरवातीला तो स्वीकारण्यास नकार दिला होता. त्यानंतर पंजाब काँग्रेस नेते सिद्धू आणि त्यांच्यातील वाद आणखी वाढला. मात्र, आता मुख्यमंत्र्यांनी देओल यांचा राजीनामा स्वीकारण्यात आला आहे.

पंजाब आणि हरयाणा हायकोर्टातील वरिष्ठ वकील देओल यांची सप्टेंबरमध्ये महाधिवक्ता म्हणून नियुक्ती करण्यात आली होती. कॅप्टन अमरिंदर सिंग हे मुख्यमंत्रीपदावरून पायउतार झाल्यानंतर अतुल नंदा यांनी महाधिवक्तापदाचा राजीनामा दिला होता. यानंतर दोओल यांची नियुक्ती करण्यात आली होती. त्यानंतर पंजाब काँग्रेसचे प्रदेशाध्यक्ष नवज्योत सिंग सिद्धू यांनी देओल यांना महाधिवक्तापदावरून हटवण्याची मागणी लावून धरली होती. या मागणीसाठी सिद्धूंनी पंजाब काँग्रेस प्रदेशाध्यक्षपदाचा राजीनामा दिला होता.

rafale deal : राफेल सौद्यावरून झडल्या आरोपांच्या फैरी! 'INC म्हणजे I Need Commission',

कुठलीही चर्चा न करताच राज्यातील वरिष्ठ पदांवरील नियुक्त्या केल्या गेल्या. तसंच या नियुक्त्या भ्रष्टाचाराविरोधात लढण्याच्या आपल्या घोषणेत आडकाठी ठरत असल्याचं सिद्धू म्हणाले होते. यामुळे नवज्योत सिंग सिद्धू नाराज होते.

lakhimpur kheri case : मोठा खुलासा... लखीमपूर हिंसाचारात मंत्रिपुत्राच्या बंदुकीतून झाला होता गोळीबार!