ambika soni : पंजाबच्या मुख्यमंत्रीपदाची ऑफर का नाकारली? स्वतः अंबिका सोनींनी सांगितलं

नवी दिल्लीः काँग्रसच्या वरिष्ठ नेत्या आणि माजी केंद्रीय मंत्री अंबिका सोनी यांनी ( ambika soni ) पंजाबच्या मुख्यमंत्रीपदाची ऑफर नाकारली आहे. कॅप्टन अमरिंदर सिंग यांनी पंजाबच्या मुख्यमंत्रीपदाचा राजीनामा दिला. यानंतर शनिवारी रात्री उशिरा मुख्यमंत्रीपदासाठी त्यांच्या नावाची चर्चा झाली. पण अंबिका सोनी यांनी राहुल गांधींची भेट घेऊन मुख्यमंत्री पदाची ऑफर नाकारली. त्यांचे नाव संभाव्य मुख्यमंत्र्यांच्या यादीत टॉपवर होते. आता यावर अंबिका सोनी यांनी स्वतः माहिती दिली आहे.

अंबिका सोनी या सध्या पंजाबमधून राज्यसभेच्या खासदार आहेत आणि यूपीएच्या कार्यकाळात त्या केंद्र सरकारमध्ये संस्कृतिक, पर्यटन आणि माहिती आणि प्रसारण मंत्री होत्या. गांधी घराण्याच्या अतिशय जवळच्या मानल्या जातात. अंबिका सोनी या मूळच्या पंजाबमधील होशियारपूरच्या रहिवासी आहेत.

अंबिका सोनी यांनी आरोग्याचं कारण देत हे महत्त्वाचं पद स्वीकारण्यास नकार दिला आहे. काँग्रेसच्या अनेक वरिष्ठ नेत्यांनी सोनी यांचं मन वळवण्याचा प्रयत्नही केला होता. पण त्या राजी झाल्या नाहीत, असं सूत्रांनी सांगितलं. मात्र, या पदावर कोणी असावं, यावर त्यांनी आपलं मत काँग्रेस हायकमांडकडे मांडलं आहे.

पंजाबच्या मुख्यमंत्रीपदासाठी काँग्रेस हायकमांडने आपल्याला विचारलं होतं. पण आपण नकार दिला. पंजाबमध्ये आता मुख्यमंत्रीपदासाठी नेत्यांना विचारलं जात आहे. तिथे बैठक सुरू आहे, असं अंबिका सोनी म्हणाल्या. पंजाबच्या मुख्यमंत्रीपदासाठी आपण नकार दिला. पण नवीन मुख्यमंत्री कोण असावा? यावर आपण आपलं मत मांडलं आहे. पंजाबचा मुख्यमंत्री हा शीख चेहरा ( punjab cm face should be a sikh ) असावा. कारण देशात फक्त एकच असे राज्य आहेत जिथे शीख बहुसंख्य आहेत, असं अंबिका सोनी यांनी सांगितलं. आपण पंजाबला जाणार नाही. पण आज पंजाबच्या मुख्यमंत्रीपदासाठी चेहरा निवडला जाईल, असं अंबिका सोनी यांनी सांगितलं.

'मला करा पंजाबचा मुख्यमंत्री', सिद्धूंचा थेट काँग्रेसला हायकमांडला फोन!

अंबिका सोनी यांनी मुख्यमंत्रीपद स्वीकारण्यास नकार दिल्याने पंजाब काँग्रेस विधिमंडळ पक्षाची आयोजित करण्यात आलेली बैठक पुढे ढकलण्यात आली आहे. सध्या पंजाब काँग्रेचे प्रभारी हरीश रावत, अजय माकन आणि नवज्योत सिंग हे नव्या नावावर चर्चा करत आहे, असं बोललं जातंय. ज्या नावावर एकमत होईल ते नाव काँग्रेस हायकमांडकडे पाठवण्यात येणार आहे.

सोनिया भर बैठकीत राहुल गांधींना म्हणाल्या, 'विसरू नका....'