navjot singh sidhu : नवज्योत सिंग सिद्धूंना काँग्रेसचा 'यॉर्कर'! पक्षश्रेष्ठींनी दिला हा अल्टिमेटम

नवी दिल्लीः पंजाब काँग्रेसचे प्रभारी आणि उत्तराखंडचे माजी मुख्यमंत्री हरिश रावत ( harish rawat ) यांनी पंजाब काँग्रेसचे प्रदेशाध्यक्ष असलेल्या नवज्योत सिंग सिद्धू यांना ( navjot singh sidhu ) सुनावलं आहे. सिद्धू यांनी आपल्याला सल्लागारांना बडतर्फ करावं आणि त्यांनी असं न केल्यास पक्षाकडून त्यांच्या सल्लागारांवर बडतर्फीची कारवाई केली जाईल, असं रावत म्हणाले.

पंजाबचे मुख्यमंत्री कॅप्टन अमरिंदर सिंग यांच्याविरोधात पंजाब काँग्रेसचे प्रदेशाध्यक्ष असलेल्या सिद्धू यांचा गट पुन्हा आक्रमक झाला आहे. या पार्श्वभूमीवर रावत यांनी ही प्रतिक्रिया दिली आहे. सिद्धू यांचे सल्लागारांची चुकीची मानसिकता असल्याचं रावत म्हणाले आहेत. एनडीटीव्हीने हे वृत्त दिले आहे.

प्यारे लाल गर्ग आणि मलविंदर माली यांचा अलिकडेच सिद्धूंच्या टीममध्ये समावेश झाला आहे. गेल्या आठवड्यात पाकिस्तान आणि काश्मीवर केलेल्या टिपणीमुळे ते वादात आले आहेत. भारत आणि पाकिस्तानने अवैधरित्या काश्मीवर कब्जा केला आहे, असं माली यांनी म्हटलं होतं.

Shashi Tharoor Memes: शशी थरूर यांचं 'ओणम' सेलिब्रेशन आणि सोशल मीडियावर 'मिम्स'चा

कुठल्या गटाने आक्षेप घेतला, मुद्दा नाही. संपूर्ण पक्ष आणि राज्याचाही आक्षेप आहे. जम्मू-काश्मीर पक्षाचं एकच धोरण आहे. जम्मू-काश्मीर हा भारताचा अविभाज्य भाग आहे, असं रावत म्हणाले. सिद्धूंच्या सल्लागारांना पक्षाने नियुक्त केलेलं नाही. यामुळे या सल्लागारांना तातडीने हटवावं, असं आम्ही सिद्धू यांना सांगितलं आहे. सिद्धू यांनी असं केलं नाही तर, ते मी करेन. पक्षाची लाज काढणारी लोकं नकोय आम्हाला, असं रावत यांनी सुनावलं.

Nirmala Sitharaman: 'चलनीकरण' कशाला म्हणतात हे राहुल गांधींना समजतं का?, अर्थमंत्र्यांचं प्रत्यूत्तर

पण अमरिंदर सिंग हे निवडणुकीत पक्षाचे मुख्यमंत्रीपदाचे उमेदवार असतील का? या प्रश्नाचं उत्तर मात्र त्यांनी टाळलं. त्याच गोष्टीची पुनरावृत्ती करू शकत नाही, असं हरिश रावत म्हणाले.