चार वर्षांपूर्वी पतीचा एन्काऊंटर, आता पत्नीचं टोकाचं पाऊल; तळहातावर २ ओळी लिहून जीवनाची अखेर

लखनऊ: उत्तर प्रदेशच्या झाशीमधील चर्चेत असलेल्या पुष्पेंद्र यादव एन्काऊंटर प्रकरणाशी संबंधित महत्त्वाची बातमी आज समोर आली आहे. २०१९ मध्ये एन्काऊंटरमध्ये मारल्या गेलेल्या पुष्पेंद्र यादव यांची पत्नी शिवांगीनं आज गळफास घेऊन आत्महत्या केली. घटनास्थळी पोहोचलेल्या पोलिसांना शिवांगीच्या हातावर सुसाईड नोट लिहिलेली आढळली. शिवांगीनं आत्महत्येसाठी स्वत:ला जबाबदार धरलं आहे.

जालौनच्या कालपी तहसीलमधील पिपराया गावात वास्तव्यास असलेल्या राकेश यादव यांची मुलगी शिवांगीचा विवाह झाशीच्या करमुखामध्ये राहणाऱ्या पुष्पेंद्र यादवशी २०१९ मध्ये झाला. लग्नाच्या काही महिन्यांतच झाशी जिल्ह्यात पुष्पेंद्र यादवचा पोलीस एन्काऊंटरमध्ये मृत्यू झाला. या एन्काऊंटरमुळे पोलीस अडचणीत आले. पोलिसी कारवाईवर प्रश्नचिन्ह उपस्थित करण्यात आलं. स्मशानात रोज रात्री प्रेतयात्रा यायच्या, चिता पेटायच्या; संशयावरून पोलिसांचा छापा अन् मग...
पुष्पेंद्र यादव एन्काऊंटरचा तपास अद्याप सुरू आहे. या दरम्यान पुष्पेंद्रची पत्नी शिवांगीनं गळफास लावून आत्महत्या केली. सकाळी कुटुंबीयांनी तिला लटकलेल्या अवस्थेत पाहिलं. त्यानंतर एकच खळबळ उडाली. कुटुंबीयांनी घटनेची माहिती पोलिसांना दिली. पोलिसांनी घटनास्थळी येऊन मृतदेह खाली उतरवला आणि तो शवविच्छेदनासाठी पाठवला.
आशिष कुठेय? आई-वडील जीव तोडून धावले; लिफ्टच्या आत डोकावून पाहिले; लेकराचे पाय लटकत होते
मी माझ्या मर्जीनं आयुष्य संपवतेय. त्यात कोणालाही अडकवलं जाऊ नये, असं हाताच्या तळव्यावर लिहून शिवांगीनं आयुष्य संपवलं. पोलीस या घटनेचा तपास करत आहेत. तळव्यावरील हस्ताक्षर पडताळून पाहिलं जात आहे. शिवांगीनं टोकाचं पाऊल का उचललं याबद्दल कोणतीच कल्पना नसल्याचं तिचे वडील राकेश यांनी सांगितलं.

पुष्पेंद्रच्या मृत्यूनंतर शिवांगीला खूप एकटं वाटत होतं. ती तिच्या मर्जीनं माहेरी राहायला गेली होती. तिच्या आत्महत्येचं कारण मला माहीत नाही, असं शिवांगीचे सासरे हरिश्चंद्र यादव म्हणाले. सध्या शिवांगीच्या हातावरील अक्षर पडताळून पाहिलं जात असल्याची माहिती सर्कल ऑफिसर देवेंद्र पचौरी यांनी सांगितलं.