navjot singh sidhu : 'सिद्धू पंजाबचे मुख्यमंत्री होऊ नये म्हणून कुठल्याही त्यागासाठी मी तयार आहे'

चंदिगडः पंजाब सरकारमध्ये फेरबदल झाल्यानंतर माजी मुख्यमंत्री कॅप्टन अमरिंदर सिंग यांनी काँग्रेसच प्रदेशाध्यक्ष नवज्योतसिंग सिद्धू आणि काँग्रेस हायकमांडविरोधात तीव्र राग व्यक्त केला आहे. सिद्धू मुख्यमंत्री होणार नाहीत यासाठी आपण कुलाही त्याग करण्यासाठी तयार आहोत. तसंच राहुल आणि प्रियंका गांधी यांना अनुभव नाही. यामुळे त्यांचे सल्लागार त्यांना फसवत आहेत, असं अमरिंदर सिंग म्हणाले. पंजाबमध्ये चरणजीत सिंग चन्नी मुख्यमंत्री झाल्यानंतरच सर्वांचं लक्ष हे अमरिंदर सिंग आता काय भूमिका घेणार? याकडे होतं. चन्नी यांच्या शपथविधी सोहळ्याला उपस्थित न राहून हायकमांडच्या निर्णयाने नाराज असल्याचं अमरिंदर सिंग यांनी दाखवून दिलं होतं. ते अजूनही हायकमांडच्या निर्णयावर नाराज आहेत.

कॅप्टन अमरिंदर सिंग यांच्या वतीने त्यांचे माध्यम सल्लागार रवीन ठुकराल यांनी एकापाठोपाठ एक ट्विट केले आहेत. पहिल्याच ट्विटमध्ये सिद्धूंविरोधात त्यांनी मोर्चा उघडला आहे. 'सिद्धू पंजाबचे मुख्यमंत्री होऊ नये यासाठी आपण कोणत्याही त्यागासाठी तयार आहोत. २०२२ च्या विधानसभा निवडणुकीत सिद्धूंचा पराभव करण्यासाठी त्यांच्याविरोधात एक बळकट उमेदवार उभा करेन. निवडणुकीत नवज्योतसिंग सिद्धू मुख्यमंत्रीपदाचे चेहरा ठरले, तर पंजाब काँग्रेस अगदी दुहेरी आकडाही गाठू शकणार नाही, असं ते म्हणाले.

'राहुल-प्रियांका माझ्या मुलांप्रमाणे, त्यांचे सल्लागार फसवत आहेत'

'विजयानंतर राजकारण सोडण्यास तयार होतो. पण पराभवानंतर कधीच नाही. सोनिया गांधींकडे ३ आठवड्यांपूर्वीच राजीनामा सादर केला. पण त्यांनी पदावर रहाण्यास सांगितलं. फोन करून पायउतार होण्यास सांगितलं असतं, तरी तेच केलं असतं. प्रियंका आणि राहुल गांधी माझ्या मुलांसारखे आहेत. हे अशा प्रकारे संपवायला नको होतं. मी दुःखी आहे. भाऊ-बहिणीला अनुभव नाहीए आणि त्यांचे सल्लागार त्यांची दिशाभूल करत आहेत', असं त्यांनी ट्वीटमध्ये म्हटलंय.

'कोणती व्यक्ती कोणत्या मंत्रालयासाठी योग्य आहे हे के. सी. वेणुगोपाल, अजय माकन किंवा सुरजेवाला कसे काय ठरवू शकतात. मुख्यमंत्री असताना मंत्र्यांची नियुक्ती ही त्यांच्या जातीच्या आधारावर नाही, तर त्यांच्या योग्यतेच्या आधारावर केली होती. बादल कुटुंबीय आणि बिक्रम सिंग मजीठिया यांच्यावर कारवाई केली नाही, अशी तक्रार आपल्याविरोधात सिद्धू आणि इतर आमदारांनी केली होती. आता ते लोक सत्तेत आहेत. त्यांनी अकाली दलाच्या नेत्यांच्या तुरुंगात टाकून दाखवावं, असं आव्हान त्यांनी दिलं.

brahmin community : 'PM मोदींवरील चित्रपटातून ब्राह्मणांविरोधात विष कालवलं जातंय?', माजी IPS

'सिद्धू सुपर सीएमसारखे वागले...'

खाण माफियांशी कथितरीत्या संबंध असलेल्या मंत्र्यांवर कारवाई न केल्याप्रकरणी आपल्यावर प्रश्न उपस्थित करण्यात आले. आता तोच मंत्री नवीन पंजाब काँग्रेस आणि सरकारच्या नेतृत्वाखाली आहे. सिद्धू सुपर सीएमसारखे वागले, तर पंजाब काँग्रेस सुरळीत चालणार नाही. या ड्रामा मास्टरच्या नेतृत्वात कॉंग्रेसने निवडणुकीत पंजाबमध्ये दुहेरी आकडा गाठला तरी मोठी गोष्ट होईल, असं माजी मुख्यमंत्री कॅप्टन अमरिंदर सिंग म्हणाले.

COVID victims families : केंद्राचा दिलासा! करोनाने मृत्यू झालेल्यांच्या वारसांना ५० हजारांची मदत देण्यास त