मी शिवभक्त, खरेपणावर माझा विश्वास : राहुल

मटा ऑनलाइन वृत्त । अहमदाबाद

गुजरात निवडणुकीच्या प्रचाराच्या दौऱ्यावर असताना काँग्रेस उपाध्यक्ष राहुल गांधी मंदिरांना भेट देत आहेत. त्यावरून भाजपने त्यांना टीकेचं लक्ष्य केलं आहे. याला प्रत्युत्तर देताना मीडियाला ते म्हणाले, 'मी शिवभक्त आहे आणि भाजप काहीही म्हणो त्याने मला फरक पडत नाही. माझा माझ्या खरेपणावर विश्वास आहे.'

राहुल आज पाटन येथे पोहोचले. तत्पूर्वी मेहसाणा येथील बहुचरा जी मंदिरात राहुल यांनी पूजा केली. पाटन येथे मीडियाने विचारलेल्या प्रश्नांना उत्तर देताना राहुल म्हणाले, 'मी शिवजींचा भक्त आहे आणि खरेपणावर विश्वास ठेवतो. भाजपला जे हवं ते बोलू दे, मला माझ्या खरेपणावर विश्वास आहे.' राहुल यांनी याआधीही गुजरातमध्ये अनेक मंदिरांमध्ये देवदर्शन केले, पूजाही केली. त्यावरून भाजपने त्यांना लक्ष्य केले होते.

भाजपचे राष्ट्रीय प्रवक्त भूपेंद्र यादव यांनी एका पत्रकार परिषदेत म्हटले होते की काँग्रेसचे स्टार प्रचारक राहुल गांधी मंदिरांमध्ये जाऊन पूजा करत आहेत. हा संस्कृतीचा भाग आहे आणि चांगलं आहे. पण ही प्रवृत्ती आपोआप येते, केवळ निवडणुकांपुरती नाही.

राहुल यांना सौराष्ट्रच्या प्रसिद्ध द्वारकाधीश मंदिरात दर्शन घेऊन आपल्या नवसृजन यात्रेला सुरुवात केली होती. एक हजार पायऱ्या चढून त्यांनी डोंगरावरच्या चामुंडा मातेचे दर्शनही घेतले होते. Star campaigner of Congress Rahul Gandhi is visiting temples & offering prayers which is good as it is a part of Indian culture. However, this must come naturally to a person & not only during elections: Bhupender Yadav, BJP National Gen Secy pic.twitter.com/pHuYuCOScn — ANI (@ANI) November 13, 2017